Jelemiya 46:6 - Baibo Busansulushi Bwa Libuku Ili

⁶ “Balya boobu kumyeendo tabakoonshi kucica nabi beshinkusu tabakoonshi kubaloboka. Kumatwa kulubasu lwa Mulonga Yufuletisi balisuntula akuwa.

Jelemiya 46:6 Referans Kwoze

Danyelo 11:19

Kuswawaawo ulaakuboolela kushiyubilo sha cishi cine mishaabo, sombi ulaakukomwa alimwi ayo alaakuba ngomeelelesho akwe.

Jelemiya 46:12

Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 50:32

Mushobo wako ulisumpula ulaakulisuntula akuwa. Taaku weshi akoobuushe. Ndaakutenta mandabala ako shintu shoonse shishingulukite shilaakunyonyoolwa.”

Jelemiya 46:16

Bashilumamba banu balisuntula akuwa. Womwi awomwi utokwaambila mubye ayi, ‘Amunyamuke, katiya kubene misheesu kucishi cine misheesu, tucice mipeeni ya beshikutulyatilila.’

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 4:6

Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Isaya 8:15

Bantu baanji balaakulisuntula alimwi baanji balaakuwa. Ee, balaakuwa akupwayoolwa. Balaakucatwa mukoose akutolwa busha.”

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Kulumbaisha 27:2

Bantu babiibi ndibamfuumukila ayi banyonyoole, balwani bangu, ee, abo bampatite ndibesa ayi bandwaane, balalisuntula akuwa kwiinda mukukomwa.

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

2 Baami 24:7

Mwaami wa bene Ijipiti abashilumamba bakwe tabakwe kunyamukaawo kuswa muIjipiti kuya mukulwana mukwiinga mwaami wa bene Babiloni wakamunyaya lubasu lwa cishi cakwe kuswa kuMulonga wa Yufuletisi kuya mukushika kunyinsa ya Ijipiti ya kumatwa.