Biblia Todo Logo
Bib sou entènèt

- Piblisite -




Jelemiya 46:14 - Baibo Busansulushi Bwa Libuku Ili

14 “Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’

Gade chapit la Kopi




Jelemiya 46:14
23 Referans Kwoze  

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.


Mwaami Lesa wakaŋambila nebo neJelemiya pabaJuda boonse bakalinga kwikala kuIjipiti mundabala inene ya Migidolu, Taapanesi aya Memfisi alimwi akucishi ca Patulosi.


Mwaami Lesa waamba ayi, “Ndi mulwani wako ondabala ya Ninife. Ndaakutenta shikoci shako shoonse. Ndaakunyonyoola bashilumamba abo kunkondo. Ndaakukunyaya shoonse nshemwakasaala kubantu bamwi. Maswi abeshinkombe banu teshi akanyumfwikeewo tubili.”


Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.


Sombi na kamukaka akungalookila, inkondo ilaakumulobya. Nebo neMwaami Lesa ndaamba.”


Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.


Mupeeni wa Mwaami Lesa ulaakupila mumalowa. Ee, ulaakufwekeleshekwa amafuta abo, kufwekeleshekwa bweenka mupeeni mbooba kubulowa bwa mbelele ampongo, alimwi akumafuta a kunsa sha mbelele shisankwa. Ceebo Mwaami Lesa ulaakubenga mulambu mundabala ya Bosila. Ee, muEdomu mulaakuba kucaikwa kuyoosha.


“Cishi ca Asilya cilaakunyonyoolwa kunkondo. Nakubi boobo teshi maansa a bantu eshi akacite boobo, sobwe. Bene Asilya balaakwiicica nkondo iyo, bacikula bwangu babo balaakucatwa cibalu.


Kuswawaawo Abina wakoolobesha kuli Joabu ayi, “Sa tunanoolwanabo lyoonse? Sa toobwene kwaamba ayi ici kumamanino cilaakukubicila? Anu ulaakukasha lili bashilumamba bako ayi bacileke kuya citandaanya bamakwababo?”


“Lwiita bene Isilaeli ayi baboole kwisule akuyaka misumba pafwaafwi andabala ya Pi Ailoti, pakati lya ndabala ya Migidolu alimwi aLweenge Lusalala, pafwaafwi aBaali Sefoni.


Mifwi yangu ilaakunoonswenkabo bulowa bwabo, mupeeni wangu ulaakucaya abo bampikisha. Taaku mulwani nabi womwi weshi nkashiye, beshi bakacisikwe abeshi bakacatwe kunkondo, boonse balaakufwa.’


Bacinenenene ba mundabala inene ya Sowani bababo shiluya. Bamatanjilili ba mundabala inene ya Memfisi bacenjeekwa. Bantu balemekwa mucishi ca Ijipiti balubya bamucishi cabo.


Wakaamba palikoto lya bashilumamba bakwe Falawo Neko mwaami wa bene Ijipiti. Bashilumamba abo bakakomwa kuli Nebukadinesa mwaami wa bene Babiloni kuKakemishi kuMulonga wa Yufuletisi. Bakakomwa mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda. Wakaamba ayi,


Amulongele buboni bwanu ceebo mutooya mubusha, mwebo nomwikala muIjipiti. Ndabala ya Memfisi itoonyonyoolwa akuba matongo cakubula aukalaamo.


“Ono webo omuntu, laluka akwaambila bene Amoni isho nebo neMwaami Lesa Shinkusu shoonse nshentokwaamba. Nebo ntokwaamba ayi, ‘Mupeeni, mupeeni, wasomwetwa kucaya, wafulwa ayi unyonyoole akubekabeka anga nkubeka kwa mfula!


“Nebo neMwaami Lesa Shinkusu shoonse ndaamba ayi, ‘Ndaakunyonyoola shibumbwabumbwa akumanisha shikoshanyo sha mucishi ca Memfisi. MuIjipiti teshi mukabewo tubili mwaami alimwi ndaakuloondesha bamucishi ico coonse.


Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.


Abalo bene Memfisi abene Taapanesi bakanyonyoola bulemu bwa kumutwi wako.


Swiv nou:

Piblisite


Piblisite