Jelemiya 46:12 - Baibo Busansulushi Bwa Libuku Ili

¹² Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 46:12 Referans Kwoze

Jelemiya 46:6

“Balya boobu kumyeendo tabakoonshi kucica nabi beshinkusu tabakoonshi kubaloboka. Kumatwa kulubasu lwa Mulonga Yufuletisi balisuntula akuwa.

Jelemiya 14:2

“Cishi ca Juda citoolila mandabala a mumo afwa. Bantu bekalaamo boona panshi kunsoni ayalo ndabala ya Jelusalemu itoolila lucafwo.

Isaya 19:2

Mwaami Lesa waamba ayi, “Ndaakulengesha bene Ijipiti kubukila bene Ijipitinyina. Nkokwaamba ayi musankwa ulaakubukila mukwabo musankwa, shikamukobo ulaakubukila shikamukobonyina, ndabala ilaakubukila ndabalanyina, bulelo bulaakubukila bulelonyina.

Sefaniya 1:10

Mwaami Lesa waamba ayi, “Pabushiku ubo mulaakunyumfwa kulila kuMwinjililo waNswi mundabala ya Jelusalemu. Mulaakunyumfwa mibila kucipansha cipya ca ndabala inene iyo alimwi amulukutu wakuwa kuswa kutulundu.

Jelemiya 51:54

Mwaami Lesa waamba ayi, “Amunyumfwe mibila itooswa kuBabiloni, nkulila kwakunyonyooka kunene kwesa mucishi ca bene Babiloni.

Jelemiya 49:21

Cishi coonse ca panshi cilaakutenkaana ceebo ca coongo ca mishinga yabo. Kulila kwabo kulaakunyumfwika akuLweenge Lusalala.

Jelemiya 48:34

“Mibila yabo itoonyumfwika kuswa kuEshiboni kuya mukushika kuEleyale akuJaasi, kuswa kuSowa kuya mukweela akuOlonaimu aEgilati Shelishiya ceebo maanshi amuKalonga ka Nimulimu oonse ayuma.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

1 Samwelo 5:12

Abo batakwe kufwa wakabatumina shuute. Bantu bakalila abuumbi akusenga balesa babo ayi babacaafwe.

Isaya 24:11

Bantu batokooloma mumikwakwa ceebo cakubula waini. Ncakwiila kusangalala koonse kwamana, ee, kwamana mucishi coonse ca panshi.

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 50:46

Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Naamu 2:5

Bashilumamba babo bakusaloola beetikwa, sombi batoolisuntula pakuya ceenda. Batoofuumukila kulubumbu uko nkobatoobika cakulifunishako kuumwa pamitwi.