Jelemiya 45:5 - Baibo Busansulushi Bwa Libuku Ili

⁵ Sa utooliyandweeta shintu shinene abuumbi? Utashiyandoolibo ceebo ndaakuleta kunyonyoola pabantu boonse. Sombi webo teshi ukacaikwe kuli koonse nkweshi ukaye.’ ”

Jelemiya 45:5 Referans Kwoze

Jelemiya 39:18

Ncakwiila ndaakukufuna. Teshi ukafwe kunkondo, sombi ulaakupuluka ceebo ulicinkite manungo muli ndime. Nebo neMwaami Lesa ndaamba.’ ”

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Jelemiya 21:9

Anu uyo woonse weshi akekale mundabala ino ulaakufwa kunkondo, nsala nabi mwaalu. Sombi uyo woonse weshi akaye mukulyaaba mumaansa a bene Babiloni abo batooshinguluka ndabala yanu inene, ulaakuba abuumi. Ulaakucatwa, sombi teshi akacaikwe.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Jelemiya 25:26

bamaami boonse ba kumatwa abo bali pafwaafwi akulaamfu, womwi womwi, nkokwaamba ayi bwaami boonse bwa mucishi ca panshi. Pesule lya kunwa boonse alakwe mwaami wa kuBabiloni ulaakunwa.

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Jelemiya 38:2

“Mwaami Lesa utokwaamba ayi, ‘Uyo woonse weshi akekale mundabala ino ulaakufwa kunkondo, nsala nabi mwaalu. Sombi uyo woonse weshi akaye mukulyaaba mumaansa a bene Babiloni, ulaakuba abuumi. Ulaakucatwa, sombi teshi akacaikwe.’ ”

2 Baami 5:26

Sombi Elisha wakaamba ayi, “Webo utooyeeya ayi nebo nshindalingaako mumushimu ciindi musankwa ulya ndyaaseluka mucikoci kwaamba ayi akukumanye. Cino ciindi tacishi cakutambula maali, shakufwala, myuunda ya maolifi alimwi aya minyansa nabi mbelele, ŋombe alimwi abasebenshi!

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Baami 3:11

Lyalo wakamwaambila ayi, “Mukwiinga wasenga busongo akulela cabululami, kuleka kwikala buumi bulaamfu nabi bubile nabi kufwa kwa balwani bako,

Kulumbaisha 131:1

NoBaami baLesa, ndacileka kulisumpula alimwi ndasowa kulisuna kwangu koonse. Kushintu shinyinda ciimo nshibikiiko maano nabi kukusha moyo kushintu shikankamika.

Jelemiya 25:31

Ciyobeyobe ico cilaakunyumfwika akweela cishi ceebo Mwaami Lesa ulaakupa mulandu mishobo ya bantu. Ulaakoombolosha mishobo ya bantu yoonse akucaisha bamucita shibi munkondo. Mwaami Lesa waamba.’ ”

Jelemiya 25:15

Mwaami Lesa, Lesa wa bene Isilaeli wakandwiita ayi, “Bwesa nkomeshi iyi iyo iswite waini wa bukali bwangu akunwisha bantu ba mishobo yoonse iyo njendakakutumaako.

Jelemiya 25:16

Baakumana kunwa, balaakutalantanta akucinkuka ceebo ca nkondo iyo njeshi nkatume pakati kabo.”