Jelemiya 44:26 - Baibo Busansulushi Bwa Libuku Ili

²⁶ Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

Jelemiya 44:26 Referans Kwoze

Bene Ebulu 6:13

Ono Lesa ndyaakashomesha kupa Abulaamu cintu cimwi, wakalumbila ayi ulaakucita kweelana akushomesha kwakwe. Ono mukwiinga tekwakalinga umwi munene kwiinda pali nguwe, Lesa wakasebensesha liina lyakwe mwiine pakulumbila.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Kulumbaisha 50:16

Sombi kubamucita shibi Lesa ulaamba ayi, “Mulicite nkusunshi shakusungila milawo yangu mumutwi akuyaamba, nabi kunookwaamba shacipangano cangu?

Matalikilo 22:16

“Mwaami Lesa waamba ayi, ‘Ndashomesha akulumbila ayi paliina lyangu ndaakukupa shoolwe shiinji abuumbi mukwiinga wacita ceeci alimwi kumamatisha mwaana eenkabo kwaamba ayi utamubengi kuli ndime.

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Bene Ebulu 3:18

Ono Lesa ndyaakaamba cakushinisha ayi, “Teshi bakeenjileewo mucishi umo mondalinga kweelete kubapa kookesha,” mbaani mbwaakalinga kwaambila? Mbantu abo bakamubukila.

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Amosi 6:10

Na shikamukowa weelete kutenta mituntu yabo akese mukwiikushaamo akwiipusha uyo eshi akacaale muŋanda ayi, “Sa kuli ngomuli akwe aumwi muno?” Alakwe akakumbule ayi, “Taamuuwo.” Lyalo ulaakwaamba ayi, “Ashii! Tuteeleshi napaceyi kubanda liina lya Mwaami Lesa.”

Jelemiya 46:18

“Nebo neMwaami Lesa Shinkusu shoonse ndi Mwaami. Ncakwiila nebo ndi Lesa muumi. Kulaakwisa umwi uli anga nkalundu ka Tabo pakati ka tulundu, ee, anga nkalundu ka Kamelo kulubasu lwa lweenge.

Jelemiya 22:5

Sombi mutanookonkela milawo iyi nebo neMwaami Lesa ndalumbila ayi ŋanda ya bwaami iyi ilaakunyonyoolwa. Nebo neMwaami Lesa ndaamba.’

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Kulumbaisha 89:34

Teshi nkapwayewo cipangano cangu, nabi kubula kucita kweelana akushomesha kwangu kuli koonse.

Shakubelenga 14:28

Ono amubalwiite ayi, ‘Ntoomulwiitilisha ayi bweenka mboondi muumi, ntoomucitila ceenka ncemwasenga. Nebo ndime Mwaami Lesa.

Jelemiya 24:8

“Sombi Sedekiya mwaami wa bene Juda, bacinenenene bakwe abaabo beshi bakacaaleewo muJelusalemu, bashiite mucishi cino nabi beshi bakaye kuIjipiti, nebo neMwaami Lesa ndaakubacita anga ninkuyu shibiibi cakutalikwa.

Jelemiya 44:24

Kuswawaawo nebo neJelemiya ndakaambila bantu boonse, kubikaawo abanakashi ayi, “Amukutike liswi lya Mwaami Lesa mwebo noonse nobene Juda nomuli muIjipiti.

Jelemiya 49:13

Ndashomesha cakulumbila muliina lyangu ayi, ‘Ndabala inene ya Bosila ilaakunyonyoolwa akuba matongo, cintu ceelete kuloondwa, kusekwa alimwi akushinganwa. Ncakwiila mandabala oonse ashingulukite alaakuba matongo kwalyoonse alyoonse.’ Nebo neMwaami Lesa ndaamba.”

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Jelemiya 44:11

“Paceebo ceeco nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Nebo ndishinishite kumuletela mapensho akunyonyoola cishi ca Juda coonse.

Jelemiya 44:14

Taaku nabi womwi pabene Juda bakacaala abo bakaya mukwikala kuIjipiti weshi akaloboke nabi kupuluka kwaamba ayi aboolele kucishi ca Juda uko nkobasuni ayi bakaboolele akuya mukwikala. Taaku beshi bakaboolele, sombibo baniini beshi bakacice nkondo.’ ”

Jelemiya 51:14

Nebo neMwaami Lesa Shinkusu shoonse ndashomesha cakulumbila ayi, ‘Ndushinisho ndaakuleta bashilumamba baanji anga ncisoshi kwisa mukulwana Babiloni. Bashilumamba abo balaakoolobesha ceebo cakukoma.’ ”