Jelemiya 42:4 - Baibo Busansulushi Bwa Libuku Ili

⁴ Nebo neJelemiya ndakakumbula ayi, “Ndanyuumfwa nshemwaamba. Ncakwiila ntoopaila kuMwaami Lesa, Lesa wanu kweelana ambomwasenga. Ntoomulwiita shoonse isho Mwaami Lesa nsheshi andwiite. Teshi mushiseewo nabi comwi.”

Jelemiya 42:4 Referans Kwoze

Kulumbaisha 40:10

Bululami bwanu nshibushiisi mumoyo wangu, kushomeka kwangu alupulusho lwanu ndashaamba. Nshishisi lusuno lutamaani akushomeka kwanu kulikoto lya bantu banu.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

Kulonga 8:29

Mpeeke Mose wakakumbula ayi, “Kulilabo na nswe waano, ntoopaila kuMwaami Lesa ayi ciilo baloonshi boonse bakasweewo pali ndimwe, bacinenenene banu alimwi abantu ba mucishi canu. Sombi tamweelete kutubeca alimwi, akukasha bantu kuya mukubenga milambu kuMwaami Lesa.”

Milimo ya Batumwi 20:20

Mulishi kwaamba ayi taaku cintu nabi comwi cakalinga kuyandika kuli ndimwe ncendakamushisa, sombi ndakamushimikila akumwiisha makani apali Jesu pameenso a bantu alimwi amumaandaanu.

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Bene Loma 10:1

Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Esekelo 2:7

Webo ubalwiitebo maswi angu nabi bakanyumfwe nabi batakanyumfwi ceebo mbaashu.

Jelemiya 23:35

Sombi womwi awomwi ulyeelete kwiipusha mubye nabi mukwabo ayi, ‘Ino Mwaami Lesa wakakumbula ayinshi?’ nabi ayi, ‘Ino Mwaami Lesa waamba ayinshi?’

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.