Jelemiya 40:7 - Baibo Busansulushi Bwa Libuku Ili

⁷ Mpeeke bamatanjilili ba bashilumamba abashilumamba babo bakalinga muluundu bakanyumfwa kwaamba ayi mwaami wa bene Babiloni wasala Gedaliya mwanaakwe Aikamu kuba mweendeleshi wa cishi ca Juda ayi anokweendelesha basankwa, banakashi abanike abo bakandu bunene mucishi batakwe kutolwa busha kuBabiloni.

Jelemiya 40:7 Referans Kwoze

Jelemiya 39:10

Sombi mucishi ca Juda wakashiyamo bakandu abo batakalinga kucitewo kantu akubapa myuunda ya minyansa amyuunda imwi.

Esekelo 45:16

“Bantu boonse ba mucishi balyeelete kutola shintu isho shoonse kumuleli uyo wa bene Isilaeli.

Jelemiya 39:4

Mpeeke Sedekiya mwaami wa bene Juda abashilumamba boonse ndibakababona bakacica. Bakaswa mundabala mashiku akwiinda mumuunda wa bwaami kuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

2 Baami 25:4

Mpeeke bakatulula cilyango mulubumbu lwa ndabala. Nakubi kwaamba ayi bashilumamba bene Babiloni bakalinga kushingulukite ndabala inene iyo, bashilumamba bene Juda boonse bakamana kuloboka ciindi ca mashiku. Bakeenda mumuunda wa bwaami akuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

2 Baami 25:12

Sombi wakashiyabo bakandu abo batakalinga kucitewo buboni akubapa ncito yakulima mumyuunda ya minyansa amumyuunda imwi.

Jelemiya 41:11

Ono Joanani mwanaakwe Kaleya abamatanjilili ba bashilumamba mbwaakalingaabo bakanyumfwa shilubo shoonse shakacita Ishimaeli mwanaakwe Netaniya.

Jelemiya 43:6

Nkokwaamba ayi bakatola basankwa, banakashi, baana alimwi abanaamwaami banakashi abo Nebusaladani mutanjilili wa beshikulindilila mbwaakalinga washiya mumaansaakwe Gedaliya mwanaakwe Aikamu mwishikulu wakwe Shafani kubikaawo aBaluki mwanaakwe Neliya alimwi anebo neJelemiya.

Jelemiya 52:16

Sombi wakashiyabo bakandu abo batakalinga kucitewo buboni akubapa ncito yakulima mumyuunda ya minyansa amumyuunda imwi.

Jelemiya 39:9

Lyalo Nebusaladani mutanjilili wa beshikulindilila wakatola bantu busha kuBabiloni abo bakacaala mundabala inene pantu pomwi abaabo bakalyaaba mumaansaakwe.

Jelemiya 39:14

bakatumya nkombe ayi nebo neJelemiya nkushikwe mulubansa lwa ŋanda ya bwaami. Bakambika mumaansaakwe Gedaliya mwanaakwe Aikamu, mwishikulu wakwe Shafani kwaamba ayi ambooshe kumisheesu. Aboobo ndakekala pakati ka bene misheesu.

Jelemiya 41:1

Lyalo mumweenshi wasanu ayobilo mumwaaka uyo, Ishimaeli mwanaakwe Netaniya mwishikulu wakwe Elishama wakalinga wa mulifumo lya bwaami alimwi wakalinga womwi wa bacinenenene ba mwaami, wakaya kuMisipa abantu likumi mukubona Gedaliya mwanaakwe Aikamu. Ono kabacilya pantu pomwi uko,

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.