Jelemiya 4:8 - Baibo Busansulushi Bwa Libuku Ili

⁸ Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 4:8 Referans Kwoze

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Esekelo 30:2

“Webo omuntu, laluka ubalwiite kwaamba ayi nebo neMwaami Lesa Shinkusu shoonse ndaamba ayi oolobeshe maswi akwaamba ayi, ‘Maawe pabushiku ubo!

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Jelemiya 48:20

Balaakukumbula ayi, ‘Cishi ca Moabu casebaana ceebo capwayoolwa. Amoolome akulila! Amwaambilishe muya Mulonga wa Anoni ayi cishi ca Moabu canyonyoolwa.’

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Kulumbaisha 78:49

Lesa wakabatondesha bukali buyoosha, bukali bumwibo, kufutatika moyo alupato isho shakesa pali mbabo anga ndikoto lya baanjelo beshikunyonyoola.

Shakubelenga 25:4

akwaambila Mose ayi, “Kwiinda mukunyumfwila ndime, nyamuna bamatanjilili boonse bene Isilaeli akubacaya lumwi lubala, lyalo bukali bwangu ndyeshi bumane pali mbabo.”

Malilo 1:12

Itokoolobesha kumuntu woonse utokwiinda ayi, “Sa taaku ancemubwene mwebo noonse nomutokwiinda? Amucebuke taangunaansha mubone. Sa kuli wakapengawo kale mbondapenga nebo? Sa kuli wakabonawo kale mapensho mbuli aya andetela Mwaami Lesa mubushiku bwa bukali bwakwe buyoosha?

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.