Jelemiya 38:22 - Baibo Busansulushi Bwa Libuku Ili

²² Banakashi boonse abo bakacaala kuŋanda ya mwaami wa bene Juda balaakuletwa kubamatanjilili ba bashilumamba ba mwaami wa bene Babiloni. Lyalo banakashi abo balaakumwaambila ayi, ‘Bakamupilinganya akumukoma babyaanu abo mbomushoma. Ono sunu myeendo yanu yepila mumatipa, babyaanu bamupalangana.’ ”

Jelemiya 38:22 Referans Kwoze

Malilo 5:11

Bamakeesu batookumanishikwa cakubakakatisha paKalundu ka Siyoni. Abalo bamyooye mumandabala oonse a mucishi ca Juda cililo cankumo ncimwi.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Jelemiya 43:6

Nkokwaamba ayi bakatola basankwa, banakashi, baana alimwi abanaamwaami banakashi abo Nebusaladani mutanjilili wa beshikulindilila mbwaakalinga washiya mumaansaakwe Gedaliya mwanaakwe Aikamu mwishikulu wakwe Shafani kubikaawo aBaluki mwanaakwe Neliya alimwi anebo neJelemiya.

Mika 7:5

Utashomi shikamukobonyoko. Utaciinki manungo mumubyo nabi kushoma bunene mukaako. Kocenjela amakani ngootokwaamba

Malilo 1:13

“Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.

Jelemiya 38:19

Mpeeke mwaami Sedekiya wakaŋambila ayi, “Nebo ntooloonda baJuda abo bakaya mukuba kulubasu lwa bene Babiloni ceebo bene Babiloni inga baakungaba kuli mbabo abalo inga bampensha abuumbi.”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 6:12

Maandaabo alaakupekwa kubantu bamwi pantu pomwi amyuunda yabo alimwi abamakaabo. Ico cilaakucitika na nkafungulule lyaansa kuuma babo bekala mucishi.

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Kulumbaisha 69:14

Amumpulushe kwaamba ayi ntepili mumatipa. Amumfuune kuswa kubalwani bangu, ee, akumaanshi alaamfu cakulobelaamo.

Kulumbaisha 69:2

Ntooya cipila mumatipa aanji, ayo ayabo kutaaku apakwiimikana. Ndi mumaanshi alaamfu abuumbi, aalo maaba atooyanda kumfwekelesha.

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 38:21

Sombi na mukake kulyaaba mumaansaabo, Mwaami Lesa wantondesha ceshi cikacitike kuli ndimwe.

Jobo 6:15

Ono mwebo nobeensuma mutoombecabo anga ntulonga, ee, tulonga tuyuma muciindi ca cilimo.

Jelemiya 27:14

Mutakutiki shitokwaamba balaluki abo batoomwaambila ayi, ‘Teshi mukasebenselewo mwaami wa bene Babiloni.’ Batoomulalukilabo shabubeshi.

Jelemiya 27:15

Mwaami Lesa wakaamba ayi, ‘Nshikwe kubatuma, sobwe. Batoolaluka shabubeshi muliina lyangu. Paceebo ceeco, ndaakumutanda, mukaloobe mwebo pantu pomwi abalaluki abo bamulalukila shabubeshi.’ ”