Jelemiya 37:10 - Baibo Busansulushi Bwa Libuku Ili

¹⁰ Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

Jelemiya 37:10 Referans Kwoze

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jelemiya 50:45

Paceebo ceeco amunyumfwe isho nebo neMwaami Lesa nshendakapinga pabene Babiloni, munyumfwe sheesho nsheensuni kucita kubantu abo. Bana babo boonse balaakukwelanishikwa akutolwa. Ndaakunyonyoola cishi cabo.

Isaya 30:17

Bashilumamba banu bali cuulu balaakukongwa akucica kumulwani womwi. Ingayi bali bosanwe, likoto lyanu lyoonse lilaakucica. Taaku nabi womwi weshi akacaale kulekabo cisamu ca mbembela peculu lya kalundu!”

Jelemiya 51:4

Balaakuwa kabayasweetwe mundabala ya Babiloni, ee, balaakufwita mumikwakwa ya njiyo.

Jelemiya 49:20

Paceebo ceeco amunyumfwe isho nebo neMwaami Lesa nshendakapinga pabene Edomu, munyumfwe sheesho nsheensuni kucita kubaabo bekala kundabala ya Temani. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 37:8

Kuswawaawo bene Babiloni balaakwisa alimwi mukulwana ndabala inene ino. Balaakwiikoma alimwi akwiitenta.

Isaya 14:19

Ono webo wayumbulwabo pantu pomwi abaabo bakacaikwa, ncakwiila abo bakacaikwa kumipeeni. Wawaalwabo ambabo mucuumbwe ca mabwe akulyatoolwa.

Isaya 13:15

Ono kulilabo weshi akacanike, ulaakuyaswa. Ee, ulaakucaikwa amupeeni.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 21:10

Ndabala iyi ndiipingite kwiinyonyoola kuteshi kwiicitila shibotu. Ilaakupekwa mumaansa a mwaami wa kuBabiloni uyo weshi akeenyonyoole amulilo. Nebo neMwaami Lesa ndaamba.”

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Jelemiya 37:11

Bashilumamba ba bene Babiloni bakaloonda akuboolaamo kuswa kuJelusalemu ceebo ca bashilumamba ba bene Ijipiti abo bakalinga kwisa.

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.