Jelemiya 34:21 - Baibo Busansulushi Bwa Libuku Ili

²¹ “Lyalo ndakwaaba Sedekiya mwaami wa bene Juda abacinenenene bakwe mumaansa a balwani babo abo bafwima buumi bwabo. Ndaakubaaba kubashilumamba bene Babiloni abo bakacileka kumulwana.

Jelemiya 34:21 Referans Kwoze

Jelemiya 39:6

Kweenka kuLibula mwaami wa bene Babiloni wakacaya baana basankwa bakwe Sedekiya boonse kaalangilisha. Wakacaya abacinenenene boonse bene Juda.

Esekelo 17:16

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mwaami uyo ulaakufwita muBabiloni ceebo wakapwaya kushomesha cakulumbila kwakwe acipangano ico ncaakapanga amwaami wa Babiloni uyo wakamubika pacuuna ca bwaami.

Jelemiya 52:10

Mpeeke bakacaya bana bakwe Sedekiya boonse kaalangilisha. Wakacaya abacinenenene bene Juda.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Jelemiya 32:4

Mwaami Sedekiya teshi akapulukewo. Ulaakwaabwa mumaansa a mwaami wa bene Babiloni alimwi ulaakulanganaakwe akubandikaakwe mulomo amulomo.

2 Baami 25:6

Mpomunyaawo Sedekiya bakamutola kumwaami Nebukadinesa, uyo wakalinga mundabala inene ya Libula uko nkwaakaya mukupetwa mulandu kuli Nebukadinesa.

Jelemiya 22:25

Ndaakukwaaba mumaansa abaabo mbooloonda abo basuni kukucaya. Nkokwaamba ayi ndaakukwaaba kuli Nebukadinesa mwaami wa kuBabiloni alimwi abashilumamba bakwe.

Jelemiya 32:3

Mwaami Sedekiya wakambika muntolongo uko ceebo wakampa mulandu. Wakaamba ayi ndakaambilisha ayi, “Mwaami Lesa wakaamba ayi, ‘Ndaakulengesha mwaami wa bene Babiloni kukoma ndabala inene iyo.

Jelemiya 44:30

Mwaami Lesa waamba ayi, ‘Ndaakwaaba Falawo Ofula mwaami wa bene Ijipiti mumaansa a balwani bakwe abo bafwima buumi bwakwe bweenka mbuli mbondakaaba Sedekiya mwaami wa bene Juda kuli Nebukadinesa mwaami wa bene Babiloni, mulwani wakwe uyo wakalinga kumufwima.’ ”

Jelemiya 52:8

Sombi bashilumamba bene Babiloni bakakonkela mwaami Sedekiya akumweensha kumawesa a Jeliko. Lyalo bashilumamba boonse bakamushiya eenka, mpeeke wakacatwa.

Esekelo 17:12

“Ipusha mushobo waashu uyo ayi, ‘Sa tamwishi busansulushi bwa shintu ishi?’ Ubalwiite ayi, ‘Mwaami wa bene Babiloni wakaya kuJelusalemu akubwesa mwaami wa mumo alimwi abacinenenene bakwe wabatola kuBabiloni.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.