Jelemiya 32:37 - Baibo Busansulushi Bwa Libuku Ili

³⁷ Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 32:37 Referans Kwoze

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Kulumbaisha 106:47

NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.

Sekaliya 14:11

Lyalo bantu balaakwikalaamo muluumuno. Ncakwiila ndabala ya Jelusalemu iyo teshi ikanyonyoolwewo tubili.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Jelemiya 23:8

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi ca kumatwa amushishi shimwi shoonse nshaakabatandilaamo.’ Lyalo balaakwikala mucishi cabo beene.”

Sekaliya 3:10

Pabushiku ubo womwi awomwi pakati kanu ulaakutamba mubye kwisa mukwikala munshaashisamu sha minyansa asha nkuyu. Nebo neMwaami Lesa Shinkusu shoonse ndaamba.’ ”

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”

Jowelo 3:20

Bantu balaakunookala mucishi ca Juda lyoonse alyoonse amwalo mundabala ya Jelusalemu mulaakunookala bantu kwamashalane oonse.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Jelemiya 16:14

Lyalo Mwaami Lesa waamba ayi, “Nakubi boobo nshiku shilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’

Jelemiya 16:15

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Esekelo 28:25

Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Esekelo 20:34

Ndaakumuboosha kuswa kumishobo imwi alimwi amushishi umo momwakapalanganina alyaansa lyangu lyankusu, lyaansa litambitwe alimwi abukali buyoosha.

Esekelo 28:26

Balaakunookala mucishi ico kwakubula cakulisukama. Balaakuyaka maanda akushanga myuunda ya minyansa. Balaakunookala kwakubula cakulisukama bushiku ndaakupa mulandu beshikamukobonyinaabo boonse balya bakalinga kubacobola. Lyalo ndyeshi bakeshibe ayi nebo ndi Mwaami Lesa, Lesa wabo.”