Jelemiya 3:17 - Baibo Busansulushi Bwa Libuku Ili

¹⁷ Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.

Jelemiya 3:17 Referans Kwoze

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Jelemiya 17:12

Ŋanda yakwe Lesa wesu ili anga ncuuna ca bulemu cakasumpulwa kuswa kumatalikilo.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Jelemiya 11:8

Sombi balo tabakwe kunyumfwila nabi kubikako maano. Bakakonkela bushicimpamya bwa myoyo yabo ibiibi. Nebo ndakabaambila ayi bakonkele cipangano cangu, sombi bakaalilwa kucikonkela. Paceebo ceeco ndakabaletela mashingo oonse a mucipangano ico.’ ”

Isaya 66:20

“Balaakuleta bene mishaanu boonse bali mushishi shoonse kukalundu kangu kasalalite muJelusalemu ayi ncipo kuli ndime neMwaami Lesa. Balaakwisa kabatantite pamaaki, shifubwa shili anga nimbongolo, ngamela, mushikoci alimwi amumaŋoola. Bweenka bene Isilaeli mbobaleta shipo sha shili anga ngamaila kuŊanda yangu mushakunyamwitaamo shisalalite kweelana aMilawo, mbweeke ubo abalo mbweshi bakaletwe.

Isaya 56:6

Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Bene Galatiya 4:26

Sombi Jelusalemu ya kwiculu iyo yaangulukite, ngonyinawesu.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 18:12

Sombi balo balaakukumbula ayi, ‘Tacicite mulandu. Tutootolelela amiyeeyo yesu sobeene. Womwi awomwi unanookonkela bushicimpamya bwa moyo wakwe ubiibi.’ ”

Jelemiya 16:12

Sombi mwebo mwabiisha kwiinda bamashali banu bakulukulu. Tamubwene kwaamba ayi mwebo noonse womwi awomwi utookonkela bushicimpamya bwa moyo wakwe ubiibi mumusena wakunyumfwila ndime.

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Jelemiya 9:14

Sombi balo bakakonkela myoyo yabo iyumu mukulambila Baali kweelana abwakabeeisha bamashali babo bakulukulu.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Kulumbaisha 87:3

Ondabala yakwe Lesa, nyumfwa shakukulumbaisha isho shitokwambwa pali ndiwe.

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

Boomboloshi 2:19

Lyalo na moomboloshi uyo wafwa, bakalinga kuboolela kumicito yabo ikulukulu akunoobisha kwiinda bamashali babo bakulukulu. Nkokwaamba ayi bakalinga kulambila akusebensela balesa beensu. Ncakwiila bakakakatila munshila shabo shibiibi mubushicimpamya bwabo.

Dutolonomi 29:29

“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 12:15

Sombi pesule lyakumana kubatupoola ndaakubanyumfwila nkumbu akuboosha mushobo womwi awomwi mucishi ca nguwo.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

1 Baami 8:41

“Na muswamashi uyo ukala kucishi cakulaale wanyumfwa impuwo yanu, ono wesa mukulambila muŊanda yanu

Kulumbaisha 102:23

Mwaami Lesa wakantyoloola mushiso kaancilibo mwanike, wakafwiimpya nshiku sha buumi bwangu.