Jelemiya 3:10 - Baibo Busansulushi Bwa Libuku Ili

¹⁰ Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

Jelemiya 3:10 Referans Kwoze

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 18:44

Ee, na banyumfwa liswi lyangu balanyumfwila. Baswamashi balamfukamina mukumpa bulemu.

2 Makani 34:33

Kuswawaawo Mwaami Josiya wakanyonyoola shibumbwabumbwa shilensha bunya shoonse isho shakalinga mucishi coonse ca bene Isilaeli. Wakalengesha bantu boonse ba mucishi ca Isilaeli kusebensela Mwaami Lesa, Lesa wabo. Mubuumi bwakwe boonse tabakwe kwaalilwaawo kukonkela Mwaami Lesa, Lesa wa bamashali babo bakulukulu.

Isaya 31:6

Ono Lesa waamba ayi, “Nobene Isilaeli mwakambishisha akungashukila. Ono bulya amusandukile kuli ndime.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Amosi 4:9

“Kwashiindi shiinji mumyuunda yanu imwi aya minyansa ndakeeletela muuwo ulungula akuyumya shishango. Cisoshi cakalya shisamu shanu sha nkuyu asha maolifi. Sombi mwebo tamukwe kusandukilawo kuli ndime. Nebo neMwaami Lesa ndaamba.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.