Jelemiya 29:13 - Baibo Busansulushi Bwa Libuku Ili

¹³ Mulaakunyandoola akuncana ceebo mulaakunyandoola camoyo woonse.

Jelemiya 29:13 Referans Kwoze

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Kulumbaisha 119:10

Ndeelesha kumusebensela amoyo wangu woonse. Mutandeeki ayi nswe kumilawo yanu.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulumbaisha 119:145

Ndamulilila amoyo wangu woonse. NoBaami baLesa amuncaafwe ayi nkonkele milasho yanu.

2 Makani 31:21

Wakaswitilila mukwiinga shoonse nshaakacita paŊanda yakwe Lesa nabi pashakukonkela Milawo, wakashicita cakushomeka kuli Lesa alimwi camoyo woonse.

Kulumbaisha 119:58

Ndamusenga amoyo wangu woonse, mumfwite nkumbu kweelana ambomwakashomesha.

2 Makani 22:9

Lyalo wakaya mukuyandoola Aasiya. Basankwa bakwe bamwi bakamucana mucishi ca Samaliya kaayubite akumucata. Mpeeke bakamutola kuli Jewu akumucaya. Sombi bakamubika mukwiinga mwaami Jeoshafati nkambiyakwe wakalinga kusebensela Mwaami Lesa camoyo woonse. Tekwakalinga nabi womwi wamuŋanda yakwe Aasiya wakacaalaawo uyo wakalinga kucite nkusu shakulela cishi ico.

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Kulumbaisha 119:69

Nakubi kwaamba ayi bantu balisumpula balambekesha, nebo ndakonkela milasho yanu amoyo wangu woonse.

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Kulumbaisha 145:18

Mwaami Lesa uli pafwaafwi kubaabo bamwiita, ndushinisho uli pafwaafwi kubaabo bamwiita calushinisho.

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.