Jelemiya 29:12 - Baibo Busansulushi Bwa Libuku Ili

¹² Lyalo mulaakunjita akupaila kuli ndime, anebo ndaakumunyumfwa.

Jelemiya 29:12 Referans Kwoze

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 145:19

Abo bamulemeka ulabapa shoonse nshebasuni. Ulanyumfwa kulila kwabo akubafuna.

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

2 Makani 6:38

Na basanduka camoyo woonse kuswa kushibiibi shabo mucishi ico cabusha akupaila kabalangite kucishi cino ncemwakapa bamashali besu bakulukulu, ndabala ino njemwakasala alimwi aŊanda yanu iyo njendakamuyakila,

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

Jobo 22:27

Waakunoopaila, ulaakunookunyumfwa. Ulaakucita nshewakashomesha cakulumbila kuli nguwe.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Jelemiya 51:50

Mwaami Lesa wakatuma nkombe kubantu bakwe muBabiloni yakwaamba ayi, “Mwebo nomwapuluka munkondo, amunyamuke, mutashingooki! Nabi muli mucishi cakulaale kamuyeeya ndime neMwaami Lesa alimwi kamuyeeya andabala ya Jelusalemu.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.