Jelemiya 28:4 - Baibo Busansulushi Bwa Libuku Ili

⁴ Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Jelemiya 28:4 Referans Kwoze

Jelemiya 22:24

Mwaami Lesa waamba ayi, “Bweenka mbocibete lushinisho ayi ndi muumi, webo Jeoiyakini omwanaakwe Jeoiyakimu mwaami wa bene Juda, nabi kooli ninga ya keshibilo kulyaansa lyangu lyalulyo, naakwiinga ndakukushaako.

Jelemiya 28:2

“Mwaami Lesa Shinkusu shoonse, Lesa wa bene Isilaeli waamba ayi, ‘Ndaakutyola lijoko lya mwaami wa bene Babiloni.

Jelemiya 24:1

Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.

Naamu 1:13

Ono bulya ntootyola lijoko lya bweendeleshi bwabo kuswa munshingo shanu akusutoola ncetani shimwaangite shoonse.”

Jelemiya 30:8

Mwaami Lesa Shinkusu shoonse waamba ayi, “Pabushiku ubo ndaakutyola lijoko ndyebaangitwe munshingo akusutoola ntaambo nshebaangitwe. Baswamashi teshi bakabacatewo tubili busha.

Jelemiya 28:10

Kuswawaawo Ananiya mulaluki wakakusha lijoko munshingo yangu nebo neJelemiya akulityoloola.

Jelemiya 24:5

“Nebo neMwaami Lesa, Lesa wa bene Isilaeli ndayeeya ayi bantu bakatolwa mubusha kuBabiloni kuswa kuJuda bali anga ninkuyu ishi shibotu.

Jelemiya 22:10

Mutanoolila mwaami Josiya wakafwa kale. Kuteelesha kulila ayi wakanyonyooka. Sombi amulilile Jeoyasi uyo wakatolwa mucishi ca busha ceebo lakwe teshi akaboolelewo kumishaabo nabi kubona tubili cishi cine mishaabo.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Jelemiya 27:8

“Ono na umwi mushobo nabi bwaami bukabule kusebensela Nebukadinesa mwaami wa bene Babiloni nabi kusumina bweendeleshi bwakwe, mushobo uyo ndaakuupa mulandu wa nkondo, nsala amwaalu kushikila Nebukadinesa akanyonyoole mushobo uyo cakumaninina.

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

2 Baami 24:14

Wakatola busha bene Jelusalemu boonse, nkokwaamba ayi bacinenenene, bashilumamba, bacishi shakupangapanga alimwi abeshikufula sheela. Boonse bakacatwa busha bakalinga 10,000. Kwakacaalabo baabo bakalinga bakandu mucishi ca Juda.

Jelemiya 13:19

Mandabala a kuNegefu alaakucalwa cakwaamba ayi kulaakubula awacalula. Bene Juda boonse balaakutolwa mubusha, ncakwiila boonse balaakutolwa cakumaninina.”

Jelemiya 29:1

Aya ngamaswi akalinga munkalata iyo nebo neJelemiya njendakatuma kuswa kuJelusalemu kuya kubacinenenene, bapailishi, balaluki abantu boonse abo Nebukadinesa mbwaakatola busha kuBabiloni kuswa kuJelusalemu.

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.