Jelemiya 27:4 - Baibo Busansulushi Bwa Libuku Ili

⁴ Lyalo Mwaami Lesa Shinkusu shoonse, Lesa wa bene Isilaeli wakaŋambila kulwiita bantu abo ayi abalo balwiite bamaami babo inkombe yakaswa kuli nguwe ayi,

Jelemiya 27:4 Referans Kwoze

Jelemiya 51:19

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 25:27

“Kuswawaawo ukabaambile ayi nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Amunwe, mukolwe, mulilukaanine akuwita limwi cakutabukawo ceebo ndaakutuma nkondo pakati kanu.’

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Jelemiya 27:3

Kuswawaawo utume maswi kubamaami ba kuEdomu, Moabu, Amoni, Taya aba kuSidoni kwiindila mubatumwi abo bakesa kuJelusalemu ayi babonane aSedekiya mwaami wa bene Juda.”

Jelemiya 27:5

“Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Jelemiya 28:14

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ndaakubika lijoko lya nshimbi munshingo sha mishobo ya bantu iyi mukwaamba ayi bakasebensele Nebukadinesa mwaami wa bene Babiloni. Ncakwiila abalo balaakunoomusebensela. Ndaakulengesha kwaamba ayi abanyama bamuluundu boonse akabaleele.’ ”