Jelemiya 27:16 - Baibo Busansulushi Bwa Libuku Ili

¹⁶ Mpomunyaawo ndakaambila bapailishi abantu boonse ayi Mwaami Lesa waamba ayi, “Mutakutiki balaluki abo baamba ayi, ‘Onoonobo shisebensesho sha muŊanda ya Mwaami Lesa shilaakuletwa kuswa kuBabiloni.’ Aba bantu batoomulalukilabo shabubeshi.

Jelemiya 27:16 Referans Kwoze

Jelemiya 28:3

Myaaka yobilo keetana kumana, ndaakuboosha shisebensesho shoonse sha muŊanda ya Mwaami Lesa isho Nebukadinesa mwaami wa bene Babiloni nshaakabwesa akutola kuBabiloni.

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Jelemiya 27:10

Balamulalukila shabubeshi isho sheshi shikamulengeshebo kutolwa kulaamfu kuswa mucishi cine mishaanu. Nebo ndaakumutanda, mukaloobe.

Jelemiya 27:14

Mutakutiki shitokwaamba balaluki abo batoomwaambila ayi, ‘Teshi mukasebenselewo mwaami wa bene Babiloni.’ Batoomulalukilabo shabubeshi.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.