Jelemiya 26:9 - Baibo Busansulushi Bwa Libuku Ili

⁹ Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 26:9 Referans Kwoze

Milimo ya Batumwi 22:22

Bantu bakalinga kukutika mbwaakalinga kwaamba kushikila ndyaakaamba shakuya kubaswamashi bakunsengwe. Lyalo bakatalika koolobesha ayi, “Atumucaaye! Teelete kuba muumi!”

Milimo ya Batumwi 21:30

Mpomunyaawo shimfulunganya shakakumanabo ndabala inene yoonse. Bantu boonse bakacica pantu pomwi kuya mukucata Paulo akumukushisha pansengwe lya Ŋanda yakwe Lesa. Paciindi ceenka ico bakacala shisasa sha kuŊanda yakwe Lesa.

Milimo ya Batumwi 13:50

Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo.

Milimo ya Batumwi 6:14

Mukwiinga twakamunyumfwa kaamba ayi, uyo Jesu wa kuNasaleti ulaakunyonyoola Ŋanda yakwe Lesa akusandula shishiyashiya shakatupa Mose!”

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.

Maako 15:11

Sombi bamatanjilili ba bapailishi bakayungoola bantu kusenga Pilato ayi abaangulwite Balabasi mumusena wakwe Jesu.

Mateyo 27:20

Sombi bamatanjilili ba bapailishi abamaloba ba baJuda, bakayungoola bantu ayi basenge Pilato ayi abaangulwite Balabasi, lakwe Jesu acaikwe.

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Mika 2:6

Bantu balaŋambila ayi, “Cileke kulaluka, ee, cileke kulaluka pamakani aya. Lesa teshi akatulekelele ayi tusebaane.

Amosi 5:10

Mulipatite bantu bapikisha koombolosha kwakunyengelela akusebaanya wooyo waamba shalushinisho munkuta.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Milimo ya Batumwi 3:11

Ceebo musankwa uyo wakalinga kucikakatitebo Pita aJoni, bantu boonse bakakankamana akucicila kuli mbabo mumukushi wakalinga kwiitwa ayi wakwe Solomoni, umo mobakalinga.

Milimo ya Batumwi 5:12

Batumwi bakacita shaankamiko alimwi ashitondesho sha nkusu sha kwiculu shiinji pabantu. Bashomi boonse bakalinga kubungana pantu pomwi kumusena wakalinga kwiitwa ayi wakwe Solomoni.

Joshuwa 18:1

Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Jelemiya 32:3

Mwaami Sedekiya wakambika muntolongo uko ceebo wakampa mulandu. Wakaamba ayi ndakaambilisha ayi, “Mwaami Lesa wakaamba ayi, ‘Ndaakulengesha mwaami wa bene Babiloni kukoma ndabala inene iyo.

Jelemiya 33:10

Mwaami Lesa waamba ayi, “Bantu batokwaamba ayi ndabala ino ilibo anga nduyanga. Taamu bantu bekalaamo nabi banyama. Ee, ndushinisho ndobatokwaamba. Mumandabala a muJuda amumikwakwa ya muJelusalemu taamu aciliimo. Taaku muntu nabi banyama bekalaamo. Sombi mumisena iyi mulaakunyumfwa

Jelemiya 36:29

Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?

Malilo 4:13

Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.