Jelemiya 25:25 - Baibo Busansulushi Bwa Libuku Ili

²⁵ bamaami boonse ba kuSimili, Elamu aMediya,

Jelemiya 25:25 Referans Kwoze

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Matalikilo 10:22

Bana bakwe Shemu basankwa bakalinga Elamu, Ashuwa, Apakishadi, Ludi alimwi aAlamu.

Jelemiya 51:28

Amubambe mishobo ayi baye mukulwana Babiloni. Amwiite bamaami bene Mediya bamatanjilili abacinenenene babo pantu pomwi amakoto a bashilumamba a mushishi nshebeendelesha.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Isaya 13:17

“Amubone ndaakubasonkomweta bene Mediya kwaamba ayi balwane bene Babiloni. Bene Mediya balo tabacite ncito asilifa, awalo golodi toobakushiwo moyo.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Esekelo 32:24

“Ilamu alakwe nkwaabete ashuumbwe sha bashilumamba bakwe shilishingulukite cuumbwe cakwe. Boonse abo bakacailwa munkondo. Boonse bakalinga kuloondesha bamwi mucishi ca boomi bakaya cakubula kupalulwa mumusena wa bafu. Bulya balifwite munsoni shabo beene.

Isaya 22:6

Bene Elamu bapakata shipokolo sha mifwi amata alimwi akutanta pamaaki amushikoci sha nkondo. Abalo bene Kili babamba mayawo abo.

Matalikilo 25:2

Muli wooyo wakashalilaamo Simulani, Jokishani, Medani, Midyani, Ishibaki alimwi aShuwa.

Matalikilo 14:1

Paciindi ici Amulafelo mwaami wa cishi ca Babiloniya, Alioki mwaami wa Elasa, Cedalaoma mwaami wa Elamu, aTidali mwaami wa Goiimu,

Milimo ya Batumwi 2:9

Sobamwi tulaswa kucishi ca Paatiya, Mediya akuElamu, kuMesopotamya, Judeya, Kapadosiya, Pontusi alimwi akuEsha.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.