Jelemiya 24:5 - Baibo Busansulushi Bwa Libuku Ili

⁵ “Nebo neMwaami Lesa, Lesa wa bene Isilaeli ndayeeya ayi bantu bakatolwa mubusha kuBabiloni kuswa kuJuda bali anga ninkuyu ishi shibotu.

Jelemiya 24:5 Referans Kwoze

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

1 Bene Kolinto 8:3

Sombi muntu usuni Lesa ulishibikitwe kuli nguwe.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Joni 10:27

Mbelele shangu shilanyumfwa liswi lyangu, ndishishi ashalo shilankonkela.

Mateyo 25:12

Sombi shibwiinga wakabakumbula ayi, ‘Kumulwiita calushinisho, nebo nshimwishiiwo!’ ”

Kulumbaisha 119:71

Cakabota kwaamba ayi ncanikwe mumapensho ceebo ndakeeya milawo yanu.

Kulumbaisha 119:67

Kaantana kuba mumapensho ndakalinga kusowekete, sombi cino ciindi ndakonkela maswi anu.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Jelemiya 24:4

Lyalo Mwaami Lesa wakandwiita ayi,

Jelemiya 29:4

“Mwaami Lesa Shinkusu shoonse, Lesa wa bene Isilaeli utookwaamba kuli baabo boonse bakatolwa busha kuBabiloni kuswa kuJelusalemu ayi,

Jelemiya 29:20

“Paceebo ceeco, amunyumfwe maswi a Mwaami Lesa, noonse mwebo nomwakaswa kuJelusalemu akutolwa busha kuBabiloni.

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Bene Lefi 26:44

Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.