Jelemiya 24:1 - Baibo Busansulushi Bwa Libuku Ili

¹ Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.

Jelemiya 24:1 Referans Kwoze

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

Sekaliya 3:1

Mucili anga nciloto cimwi Mwaami Lesa wakantondesha Joshuwa mupailishi munene kaaimfwi kunembo lya munjelo wa Mwaami Lesa. Kulubasu lwakwe Joshuwa kwakalinga kwiimfwi Satana uyo wakalinga kulibambite kumushinina.

Sekaliya 1:20

Lyalo Mwaami Lesa wakambonesha basebenshi bakalinga bone kabacite ashakupopesha.

Amosi 7:7

Mbulya Mwaami Lesa mbwaakambonesha mucili anga nciloto. Muli ncico ndakamubona kaaimfwi kufwaafwi alubumbu ulo lwakayakwa mukusebensesha ntambo. Wakalinga kucite antaambo yakuyakisha mulyaansa lyakwe.

Amosi 7:4

Mbulya Mwaami Lesa Shinkusu shoonse mbwaakambonesha mucili anga nciloto. Muciloto ico ndakamubona kaayeeya kupensha bantu bakwe amulilo. Mulilo uyo wakayumya lweenge lunene panshi lya nshi alimwi akutalika kutenta cishi coonse.

Amosi 7:1

Mbulya Mwaami Lesa Shinkusu shoonse mbwaakambonesha mucili anga nciloto. Wakalenga cisoshi paciindi cipansha ca bwiisu ca mwaami ndicakamana kucesekwa alimwi bwiisu ndibwakatalika kusonsa alimwi.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Esekelo 19:9

Bakeekwelela kundobo pakwiibika mucinsangala akwiitola kumwaami wa bene Babiloni. Bakeebika muntolongo Aboobo kubuluma kwa njiyo takukwe kunyumfwikaawo tubili patulundu twa cishi ca Isilaeli.

2 Baami 24:10

Mubwaami bwakwe Jeoiyakini, bashilumamba bakwe Nebukadinesa mwaami wa bene Babiloni abamatanjilili babo, bakaya kuJelusalemu akushinguluka ndabala iyo.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

Jelemiya 27:20

Isho nsheshintu Nebukadinesa mwaami wa bene Babiloni nshaatakwe kubwesa ndyaakatola busha Jeoiyakini mwanaakwe Jeoiyakimu mwaami wa bene Juda kuswa kuJelusalemu kuya kuBabiloni pantu pomwi abacinenenene ba bene Juda aba bene Jelusalemu.

Jelemiya 28:4

Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Jelemiya 29:1

Aya ngamaswi akalinga munkalata iyo nebo neJelemiya njendakatuma kuswa kuJelusalemu kuya kubacinenenene, bapailishi, balaluki abantu boonse abo Nebukadinesa mbwaakatola busha kuBabiloni kuswa kuJelusalemu.

Jelemiya 37:1

Ono Nebukadinesa mwaami wa bene Babiloni wakabika Sedekiya mwanaakwe Josiya pabwaami bwa bene Juda pamusena wakwe Jeoiyakini mwanaakwe Jeoiyakimu.

Jelemiya 13:19

Mandabala a kuNegefu alaakucalwa cakwaamba ayi kulaakubula awacalula. Bene Juda boonse balaakutolwa mubusha, ncakwiila boonse balaakutolwa cakumaninina.”

Esekelo 17:4

Mpeeke wakatyolaako musampi wakwiculu kwiine akuutola kucishi ca beshimakwebo, uko nkwaakaya mukuushanga mundabala yomwi pamandabalaabo.