Jelemiya 23:24 - Baibo Busansulushi Bwa Libuku Ili

²⁴ Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Jelemiya 23:24 Referans Kwoze

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Kulumbaisha 139:7

Anu inga ndaya kuli kwaamba ayi njube Mushimu wanu? Anu inga ndacicila kuli kwaamba ayi nswe pameenso anu?

Kulumbaisha 90:8

Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.

Isaya 29:15

Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Kulumbaisha 10:11

Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Bene Efeso 1:23

Coonde ngomubili wakwe Klistu, nkokukumanisha kwa wooyo ukumanisha shintu shoonse pali poonse.

2 Makani 2:6

Sombi taaku muntu weenga wayakila Lesa Ŋanda mukwiinga nabibo liculu lyaceyabo kulaale kwaamba ayi ekaleemo. Ono nebo inga ndakonsha buyani kuyakila Lesa Ŋanda? Sa te inga ndayakabo musena wakutentelaako tununkila kabotu pameenso akwe?

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Esekelo 8:12

Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”

Jelemiya 49:10

Sombi nebo ndaakubwesa shintu shoonse sha bamulunyungu lwakwe Esau akumushiya maansabo. Ndaakuyubulula misena yabo iyo njebayubamo kwaamba ayi bakabule kwakuyuba. Bene Edomu boonse balaakuloba, taaku nabi womwi weshi akacaaleewo.

Kulumbaisha 148:13

Shoonse isho ashilumbaishe liina lya Mwaami Lesa ceebo liina lyakwe ndyeliinda pameena oonse. Bulemu bwakwe buleenda bwa shintu sha mucishi ca panshi asha kwiculu.

Matalikilo 16:13

Aga wakaliipusha ayi, “Sa ncakwiila ndaboona Lesa akucaala kaandi muumi?” Lyalo Mwaami Lesa uyo wakaamba anguwe wakamutumba ayi, “Lesa Uyo Umbona.”

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Jobo 34:21

“Meenso akwe alabona nshila sha muntu shoonse. Ndushinisho lakwe ulabona moonse mobalyata.

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Danyelo 2:22

Ulayubulwita shintu shishisitwe. Ulishi shintu shoonse shili mumunshinshe, alimwi lakwe ulekala mumumuni.

Kulumbaisha 139:8

Nabi ndaamba ayi ntante kwiculu mwebo nkomuli, nabi ndaamba ayi nje mumusena wa bafu mwebo nkomuli.