Jelemiya 23:20 - Baibo Busansulushi Bwa Libuku Ili

²⁰ Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Jelemiya 23:20 Referans Kwoze

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Matalikilo 49:1

Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

2 Baami 23:27

Aboobo Mwaami Lesa wakaamba ayi, “Nebo ndaakucita kucishi ca Juda ico ncendakacita kucishi ca Isilaeli. Ndaakukusha bene Juda kuswa kumeenso angu, kukaka Jelusalemu ndabala iyo njendakasala alimwi aŊanda yangu umo mondakaamba ayi mweshi noolambililwa.”

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Esekelo 21:5

Bantu boonse balaakwishiba ayi anu nebo neMwaami Lesa ndime ndakusha mupeeni wangu mucipokolo ca nguwo alimwi teshi ukabooleleemo, sobwe.’

Esekelo 21:10

Ulinonetwe kwaamba ayi ucaye, ulifulitwe kwaamba ayi unoobekabeka anga nkubeka kwa mfula. Takukoonshi kuba kusangalala mucishi ceebo bantu bangu basuula kucenjesha kwangu koonse.