Jelemiya 23:15 - Baibo Busansulushi Bwa Libuku Ili

¹⁵ Paceebo ceeco, pabalaluki Mwaami Lesa Shinkusu shoonse waamba ayi, “Ndaakubalengesha kulya shakulya shilula akunwa maanshi acite shikola ceebo kuswa kubalaluki bene Jelusalemu, kutalemeka Lesa kwayambukila bantu mucishi coonse.”

Jelemiya 23:15 Referans Kwoze

Jelemiya 8:14

Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Jelemiya 9:15

Paceebo ceeco, nebo neMwaami Lesa, Shinkusu shoonse, Lesa wa bene Isilaeli ndaamba ayi, ‘Amubone, ndaakulengesha bantu aba kulya shakulya shilula akunwa maanshi akola.

Malilo 3:15

Wasusha mubili wangu abucisa bulula akunshimbilisha ndulwe.

Malilo 3:5

Wakanshinkila akunshingulusha mfundilishi alimwi amapensho.

Kulumbaisha 69:21

Ndindakafwa nsala, bakampa shilula, Ndindakafwa nyotwa bakampa waini usasite.

Ciyubululo 8:11

Nyenyeenshi iyi ileetwa ayi, “Kalulishi.” Cipansha catatu ca maanshi cakatalika kulula, aboobo bantu baanji bakafwa ndibakanwa maanshi ayo ceebo akalinga kulula.

Mateyo 27:34

Uko Jesu bakamupa waini usenkene andulwe ayi anwe, sombi ndyaakanyumfwaamo, wakakaka.

Malilo 3:19

Nciyeeya mapensho angu akwiingaila kwangu, ee, mapensho alulabo anga nindulwe.

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Jelemiya 14:15

Paceebo ceeco Nebo neMwaami Lesa, pabalaluki abo balalukila muliina lyangu, ntokwaamba ayi, ‘Nshikwe kubatumaawo nabi batokwaamba ayi taaku nkondo nabi nsala yeshi ikashike mucishi cino.’ Balaluki mbomunya abo balaakuloba munkondo ansala.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Jelemiya 9:14

Sombi balo bakakonkela myoyo yabo iyumu mukulambila Baali kweelana abwakabeeisha bamashali babo bakulukulu.