Jelemiya 2:7 - Baibo Busansulushi Bwa Libuku Ili

⁷ Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 2:7 Referans Kwoze

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Shakubelenga 13:27

Lyalo bakaambila Mose ayi, “Cishi ico ncemwakatutumaako twakacibona, muli bubile abulongo bubotu. Shisepo shimwi sha mucishi ico nsheeshi.

Esekelo 36:17

“Webo omuntu, bene Isilaeli ndibakalinga kwikala mucishi cabo, bakacibisha kubwikaalo bwabo amicito yabo. Micito yabo yakalinga kubalengesha kutanoosalalite kweelana aMilawo anga ngumwanakashi wakubala.

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Dutolonomi 21:23

muntu uyo taaelete koonaawo. Ulyeelete kufukilwa pabushiku mbomunya ubo, ceebo muntu upopwa pamucilingano Lesa ulamushingana. Mukoofukile kwaamba ayi mutakabishi cishi ico Mwaami Lesa, Lesa wanu ncaatoomupa.

Dutolonomi 6:18

Amucite cintu Mwaami Lesa ncaamba ayi cililuleme alimwi ncibotu. Lyalo shintu shoonse shinanoomweendelabo kabotu. Mulaakukonsha kubwesa cishi ca bulongo bubotu ico Mwaami Lesa ncaakashomesha bamashali banu bakulukulu,

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Isaya 19:25

Mwaami Lesa Shinkusu shoonse ulaakubapa coolwe mukwaamba ayi, “Pabene Ijipiti bantu bangu, pabene Asilya bantu mbondakalenga apabene Isilaeli bantu mbondakalisalila, apabe coolwe.”

Esekelo 20:24

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu akubika maano kushibumbwabumbwa isho bamashali babo bakulukulu nshebakalinga kulambila.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”