Jelemiya 19:8 - Baibo Busansulushi Bwa Libuku Ili

⁸ Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Jelemiya 19:8 Referans Kwoze

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 49:13

Ndashomesha cakulumbila muliina lyangu ayi, ‘Ndabala inene ya Bosila ilaakunyonyoolwa akuba matongo, cintu ceelete kuloondwa, kusekwa alimwi akushinganwa. Ncakwiila mandabala oonse ashingulukite alaakuba matongo kwalyoonse alyoonse.’ Nebo neMwaami Lesa ndaamba.”

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Jelemiya 50:13

Ceebo ca bukali bwangu nebo neMwaami Lesa, taaku weshi akekale mundabala ya Babiloni tubili. Sombi ndabala ilaakubeta limwi matongo. Boonse abo beshi bakanokwiindaamo balaakuloonda akuseka pamapensho oonse eshi akacitikeemo.

Jelemiya 25:18

Nkokwaamba ayi bantu ba muJelusalemu aba mumandabala a muJuda, bamaami ba mumo abacinenenene babo kwaamba ayi banyonyooke akuba cintu ceelete kuloondwa, kushibulukwa alimwi akushinganwa bweenka mbuli mbobabete sunu.

Bene Lefi 26:32

Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana.

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.

Dutolonomi 29:22

“Ono mumashalane ali kunembo, bamulunyungu lwanu alimwi abaswamashi baswa mushishi shili mulaale, balaakubona mapensho alimwi amalwashi ayo Mwaami Lesa ngweshi akalete mucishi canu.

Esekelo 27:36

Beshimakwebo ba mumishobo imwi batookuseka. Meelelesho ako abica abuumbi, ncakwiila walobela limwi.’ ”

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”