Jelemiya 18:23 - Baibo Busansulushi Bwa Libuku Ili

²³ Sombi mwebo noBaami baLesa mulishi mbobampingite kuncaya. Mutabalekeleli bubi bwabo, nabi kushiminganya shibiibi shabo pameenso anu. Abakakomwe kunembo lyanu alimwi mukabacitile shintu ishi kamukalalite.”

Jelemiya 18:23 Referans Kwoze

Kulumbaisha 35:4

Abasebaane akulenshekwa nsoni abo boonse batoofwima buumi bwangu. Babooleleemo kabaloketwe abo boonse basuni kunyonyoola buumi bwangu.

Isaya 2:9

Paceebo ceeco bantu boonse balaakuletwa panshi akuceeshekwa, nakubi boobo noBaami baLesa mutakabalekeleli!

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 15:15

Lyalo ndakaamba ayi, “NoBaami baLesa mwebo mulanyumfwishisha shintu. Kamunjibaluka akundama. Amumbooshesheeko cishole kubaabo bampensha. Mwebo tamukalali bwaangu, ono mutabaleeki ayi bancaaye. Amuyeeye mbooncobolwa ceebo ca ndimwe.

Jelemiya 11:23

Taakuuwo nabi womwi weshi akacaale pabantu ba kuAnatoti. Ndaakuleta mapensho pali mbabo mumwaaka ngondakasala kubapa mulandu.”

Jelemiya 8:12

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi. Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Kulumbaisha 59:5

NoBaami baLesa Beshinkusu shoonse, baLesa ba bene Isilaeli. Amunyamuke mupe mulandu bakunsengwe boonse. Mutalekeli nabi womwi pabaabo baashu bapinga kuncaya pataapu aceebo.

Kulumbaisha 119:126

NoBaami baLesa, ciindi cashikila ncemweelete kucitawo comwi ceebo bantu batoopwaya milawo yanu.

Jelemiya 6:15

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi? Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Jelemiya 6:21

Paceebo ceeco Mwaami Lesa utookwaamba ayi, “Ndakubika shakulisuntulako kunembo lya bantu aba. Bamashali basankwa abana babo balaakuwa, abalo beshimukobonyinaabo ababyaabo balaakumana kuloba.”

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Jelemiya 26:11

Mpeeke bapailishi abalaluki bakaambila bacinenenene abantu boonse ayi, “Muntu uyu ulyeelete kucaikwa ceebo walaluka shakunyonyoolwa kwa ndabala ino. Mwalinyumfwila amatwi anu nobeene!”

Jelemiya 37:15

Bacinenenene abo bakankalalila abuumbi, banguma alimwi akuncalila muŋanda yakwe Jonasani mulembi wa kubwalo iyo njebakasandula kuba ntolongo.

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Kulumbaisha 56:8

Matongooshi angu amwaalembe, Amulembe shaminsonshi yangu mulibuku lyanu. Sa te shoonse shililembetwe mulibuku lyanu?

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Malilo 3:60

Mulishi balwani bangu mbobampatite alimwi ambobapingite kucita pali ndime.

Malilo 3:61

NoBaami baLesa mwakanyumfwa matushi abo alimwi ambobapingite kucita pali ndime.