Jelemiya 18:21 - Baibo Busansulushi Bwa Libuku Ili

²¹ Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 18:21 Referans Kwoze

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Malilo 5:3

Twaba bamucaala batacite bamaishiwabo, bamanyinawesu bacaala bumukalubinje.

Jelemiya 15:8

Ndaakulengesha bamukalubinje banu kufula kwiinda museese wa muloombe lwa lweenge. Lisuba kalili pakati ka mutwi, ndaakucaya bacikula bwangu basankwa akulengesha bamanyinawabo kupenga. Cakuteengashila ndaakubaletela buumba aboowa.

Jelemiya 9:21

Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Kulonga 22:24

Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

2 Makani 36:17

Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.

Kulumbaisha 63:10

Balaakufwa kumipeeni munkondo, akuba nyama ya baumpe.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 13:18

Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Jelemiya 14:16

Lyalo abantu abo mbobatoolalukilaako balaakuwaalwa mumikwakwa ya muJelusalemu ceebo ca nsala ankoondo. Teshi kukabeewo shikubabika nabi shikubika bamakaabo, bana babo basankwa nabi banakashi. Ndaakubapoomweta mapensho ayo abeelete.”

Jelemiya 15:7

Ndaakumuululusha kucakuululushishako paminjililo ya mandabala oonse a mucishi. Ndaakumulengesha kufwitwa akunyonyooka mwebo nobantu bangu ceebo tamutoocilekaawo nshila shanu shibiibi.

Jelemiya 50:30

Aboobo bacikula bwangu bamumo balaakukungubala mumikwakwa ya ndabala iyo. Bashilumamba boonse bekalaamo balaakunyonyoolwa pabushiku ubo. Nebo neMwaami Lesa ndaamba.”

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Esekelo 16:38

Ndaakukupa mulandu ceebo ca bulale abucayi. Mubukali bwangu buyoosha, ndaakukupa mulandu wakucaikwa.

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Kulumbaisha 63:11

Lakwe mwaami ulaakusangalala muli Lesa. Abalo abo bashomesha cakulumbila muliina lyakwe balaakumulumbaisha. Sombi milomo ya bantu babeshi ilaakucalwa.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.