Jelemiya 17:6 - Baibo Busansulushi Bwa Libuku Ili

⁶ Ulaakubabo anga ncikupu muluyanga. Lakwe teshi akaboneewo cibotu nabi comwi. Ulaakwikala muluyanga luyumu nta, kwikala mucishi ico cicite bulongo bwa mwiinyo umo mutekaali muntu nabi womwi.

Jelemiya 17:6 Referans Kwoze

Jobo 20:17

Teshi akekale buumi bulaamfu ayi akabone milonga ya mafuta a olifi, nabi kubona tulonga uto tukunka mukupa abuuci.

Kulumbaisha 1:4

Sombi kubeshikubisha tabwishi mbocibete ubo! Mukwiinga balo bali anga mbuungu ubo buyabo amuuwo.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Jelemiya 48:6

Balaakoolobesha ayi, ‘Amucice, mupulushe buumi bwanu. Amucicishe anga nimbongolo ya muluyanga!’

Jobo 39:6

Ndime ndakashipa luyanga lwakwikalaamo akushilekela ayi shinookala kumisena icite shikula.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Boomboloshi 9:45

Anu bushiku ubo boonse Abimeleki lyakamupililabo kaalwana bantu bamundabala iyo. Wakeekoma akucaya bantu boonse bakalinga kwikalaamo akumwaya maandaabo oonse. Kuswawaawo wakasanseela mwiinyo mundabala iyo yoonse.

Esekelo 47:11

Sombi maanshi alo ali mushitolo kuloombe lwa lweenge teshi akanooliiwo abotu, sobwe. Alo alaakunoolibo maanshi a mwiinyo kwaamba ayi bantu bakanoocanako mwiinyo.

Isaya 1:30

Ulaakuyuma anga ngumubanga utooya cifwa nabi anga ngumuunda utatililwa.

Kulumbaisha 92:7

ayi nabi bamucita shibi basumpuka calubilo bweenka bukula bwiisu, ee, nabi bacita shilubo boonse inga basumpuka, balaakunyonyoolwa cakumaninina.

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”