Jelemiya 17:25 - Baibo Busansulushi Bwa Libuku Ili

²⁵ bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 17:25 Referans Kwoze

Jelemiya 22:4

Na munoobika maano kukukonkela milawo iyi, bamaami bamulunyungu lwakwe Defedi balaakwinjila paminjililo ya ndabala ino kabatantite shikoci amaaki alimwi kabashindikilwa abacinenenene babo pantu pomwi abantu babo.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Jelemiya 33:21

Mbweeke ubo nebo ndakapanga cipangano amusebenshi wangu Defedi kwaamba ayi mulunyungu lwakwe mulaakunooswa mwaami lyoonse. Ndakapanga cipangano abapailishi ba mumukowa wakwe Lefi ayi bananoonsebensela lyoonse. Shipangano ishi shoonse teshi shikapwaikweewo.

Jelemiya 33:17

Nebo, neMwaami Lesa ndashomesha kwaamba ayi kulaakunooba mwaami wamulunyungu lwakwe Defedi mucishi ca Isilaeli lyoonsebo.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

2 Samwelo 7:16

Bamulunyungu lwako balaakunoolikobo lyoonse alimwi ndaakulengesha bwaami bwako kwikala muyayaya. Buleelo bwako teshi bukamaneewo.’ ”

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

Jelemiya 13:13

Lyalo ubaambile ayi, ‘Nebo neMwaami Lesa ndaakukolesha bantu boonse bekala mucishi cino kubikaawo abamaami bamulunyungu lwakwe Defedi, bapailishi, balaluki abantu boonse bekala muJelusalemu.

2 Samwelo 8:4

Defedi wakacata busha bashilumamba balwanina mushikoci sha maaki bali 1,700, bapanshibo bali 20,000. Mpeeke Defedi wakatyoloola myeendo ya maaki oonse akushiyabo akwana shikoci shili mwaanda.

1 Samwelo 8:11

Samwelo wakasansulula ayi, “Bamaami banu mbulya mbweshi bakanoomucita. Bana banu basankwa balaakunoobabika mulikoto lya bashilumamba. Bamwi balaakunooba bashilumamba balwanina mushikoci sha maaki, bamwi beshikulwanina pamaaki, bamwi balaakunoolibo beshikutanjilila beshikulwanina mushikoci abo.

Dutolonomi 17:16

Mwaami uyo teelete kuba amaaki aanji a bashilumamba bakwe nabi kutuma bantu bakwe kuIjipiti ayi bakaletelewo amwi, mukwiinga Mwaami Lesa wakakasha bantu bakwe kuboola nkuko.

Kulonga 12:14

Mulyeelete kunoosekelela bushiku ubu kwaamba ayi mwiibaluke ncendacita nebo neMwaami Lesa. Mukanoosekelela amyaaka yoonse ili kunembo.”

Jelemiya 22:2

‘Nyumfwa maswi a Mwaami Lesa webo omwaami wa bene Juda. Ee, webo nooshiite pacuuna ca bwaami bwakwe Defedi. Ncakwiila ukutike webo omwiine, bacinenenene bako abantu bako abo banjilila paminjililo iyi.

Jelemiya 25:5

Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 7:3

Amuleke nshila shanu amicito yanu ibiibi. Lyalo ndaakumuleka ayi mwikale mumusena uno.

Jelemiya 7:7

Na mwacileka shintu ishi, ndaakumuleka ayi munookala mucishi ico ncendakapa bamashali banu bakulukulu ayi cibe cabo kwalyoonse alyoonse.