Jelemiya 17:18 - Baibo Busansulushi Bwa Libuku Ili

¹⁸ Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 17:18 Referans Kwoze

Kulumbaisha 35:4

Abasebaane akulenshekwa nsoni abo boonse batoofwima buumi bwangu. Babooleleemo kabaloketwe abo boonse basuni kunyonyoola buumi bwangu.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Jelemiya 11:20

Lyalo ndakapaila ayi, “NoBaami baLesa beShinkusu shoonse, mwebo nomoombolosha cabululami akweelesha myoyo amiyeeyo ya bantu. Cikani cangu ndacitula mumaansaanu. Ono ntooyanda kumubona kamuboosha cishole pabantu aba.”

Kulumbaisha 40:14

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

Kulumbaisha 35:8

Ono abanyonyooke beene cakuteengashila! Abacatwe beene mukoose nkobateya ndime! Abakakulukileemo beene mucilindi akufwitaamo!

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Kulumbaisha 71:1

NoBaami baLesa ndayuba muli ndimwe. Mutakandekeleshi ayi nenshekwe nsoni.

Kulumbaisha 70:2

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

Jobo 16:14

Ucicitekobo kuncisa cakutacilekaawo bweenka bucita shilumamba weendilisha kukalala.

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 17:19

Mpomunyaawo Mwaami Lesa wakandwiita ayi, “Koya ukeemikane pamwinjililo wa bantu, uyo bamaami ba bene Juda mpobenjilila akuswita. Kuswawaawo uye wiimikane paminjililo imwi ya ndabala ya Jelusalemu.

Dutolonomi 33:11

NoBaami baLesa, amucafwe mukowa wabo kusumpuka, akukondwa mushintu shoonse nsheshi banoocita. Amunyonyoole balwani babo kushikila boonse bakaloobe.”