Jelemiya 17:14 - Baibo Busansulushi Bwa Libuku Ili

¹⁴ Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Jelemiya 17:14 Referans Kwoze

Kulumbaisha 6:2

Amunyumfwile nkumbu noBaami baLesa ndalefuka. Amumpe nkusu noBaami baLesa ndalema cakukopoka.

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Kulumbaisha 106:47

NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Dutolonomi 10:21

Amumulumbaishe ceebo nguLesa wanu. Mwebo nobeene mwakabona ameenso anu shintu shikankamanisha nshaakacita ceebo ca ndimwe.

Kulumbaisha 109:1

NobaLesa abo mboonumbaisha, mutoomunibo tontolo!

Kulumbaisha 6:4

Ono amwise mumfuune noBaami baLesa, Amumpulushe kulufu ceebo cankumbu shanu.

Jelemiya 15:20

Ndaakukulengesha kuba lubumbu kubantu aba, ee, lilinga lya bulonse kuli mbabo. Balaakukulwana, sombi teshi bakakukomeewo ceebo ndi awebo kwaamba ayi nookufuna akukupulusha.

Mateyo 14:30

Ono ndyaakabona maaba wakaloonda, lyalo wakatalika kuya bupila. Wakoolobesha ayi, “Nkambo amumpulushe!”

Jelemiya 31:18

“Ndushinisho ndakanyumfwa kulila kwa bene Efuleemu ayi, ‘Mwakatutambisha anga ngumucongoshi mucende aswebo twakabomba. Amutubooshe, aswebo tulilibambite kuboola kuli ndimwe ceebo ndimwe Baami baLesa, baLesa besu.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Mateyo 8:25

Lyalo bashikwiiya bakwe bakamubusha akumwaambila ayi, “Amutupulushe Nkambo. Twafwa!”

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

Kulumbaisha 60:5

Amutulengeshe kukoma kwiinda munkusu shanu, amukumbule mipailo yesu. Ee, kwaamba ayi bantu abo mbomusuni, bafunwe.

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Shakubelenga 12:13

Lyalo Mose wakalilila Mwaami Lesa ayi, “NobaLesa, amumushilike!”

Kulumbaisha 54:1

NobaLesa amumpulushe kwiinda muliina lyanu. Amutondeshe kubula mulandu kwangu kwiinda munkusu shanu.

Jelemiya 3:23

Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Kulumbaisha 6:3

NoBaami baLesa buumi bwangu bwapenshekwa abuumbi. Ono citooba ciindi cilaamfu buyani kamutana kuncafwa?

Kulumbaisha 119:94

Amumfuune mukwiinga ndi wanu, ndeelesha kukonkela milasho yanu.