Biblia Todo Logo
Bib sou entènèt

- Piblisite -




Jelemiya 16:13 - Baibo Busansulushi Bwa Libuku Ili

13 Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Gade chapit la Kopi




Jelemiya 16:13
21 Referans Kwoze  

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.


Ndaakumulengesha kuba basha kubalwani banu mucishi ico ncemuteshi ceebo bukali bwangu bulaakunyansha mulilo uyo weshi ukamuteente.”


Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”


ingayi ndaakumutanda mucishi ncendakamupa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakwiiseka akwiibona ayi taaku mboibete.


Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”


Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”


Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?


Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi? Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”


Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”


Lyalo ndakabaleka acimpamya cabo. Ndakabaleka ayi bakonkele nshila shabo.


Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’


Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!


Webo abanyoko bakakushala ndaakumuwaala mucishi cimwi umo mwebo noonse momutakwe kushalilwa. Ncakwiila umo mweshi mukafwite noonse.


Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.


Mwaami Lesa waamba ayi, “Paciindi ico ndaakusowa bekala mucishi ici. Ndaakubaletela mapensho kwaamba ayi bakacatwe.”


“Kuteelesha kwinjila muŋanda umo mubete shakulya sha pamalilo. Tooelete kuyaamo mukulila nabi kuungumana ambabo ceebo ndacileka kupa coolwe bantu aba, kubatondesha lusuno nabi kubafwita nkumbu. Nebo neMwaami Lesa ndaamba.


Swiv nou:

Piblisite


Piblisite