Jelemiya 14:3 - Baibo Busansulushi Bwa Libuku Ili

³ Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.

Jelemiya 14:3 Referans Kwoze

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

Kulumbaisha 40:14

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

2 Baami 18:31

Mutakutiki shitokwaamba Esekiya. Mwaami wa bene Asilya waamba ayi musweemo mundabala iyi akulyaaba mumaansaakwe. Lyalo mulaakusuminishikwa kunoolya minyansa kushisamu shanu, ankuuyu kushisamu shanu alimwi akunwa maanshi kuswa mumikalo yanu nobeene.

Amosi 4:8

Bantu bakalinga kuya citalantanta kuswa kundabala yomwi tibili akuimwi kuya ciyandoola maanshi akunwa. Nakubi boobo tabakwe kucanaako maanshi akwana kunwa. Sombi mwebo tamukwe kusandukilawo kuli ndime. Nebo neMwaami Lesa ndaamba.”

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Jowelo 1:20

Ncakwiila abanyama bamuluundu batoomulilila mukwiinga tulonga toonse twamana kuyuma. Aalo mafulo amana kupya kulumwi.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Jelemiya 14:4

Bulongo bwamana kupasooka myaansha ceebo cakubula mfula mucishi. Balimi baciswa mumyoyo akulitintilila kumitwi.

Kulumbaisha 109:29

Balwani bangu abalenshekwe nsoni, ee, nsoni shibafwekeleshe anga ncakufwala.

Jobo 6:20

Balatyongola ceebo balashoma ayi batokwaacana, sombi na bashika kukalonga balacana ayi taaku.

Esita 6:12

Kuswawaawo Modekayi wakaboolela kumwinjililo wa ŋanda ya bwaami, sombi Amani wakaboolela kuŋanda yakwe ciwa kacilokete kunsoni.

1 Baami 17:7

Ndipakeenda ciindi kalonga ako kakayuma mukwiinga tekwakalinga mfula.

2 Samwelo 19:4

Lyalo mwaami wakalifweka pameenso akulila cakooloma ayi, “Omwanaangu musankwa! Omwanaangu Abusalomu! Abusalomu omwanaangu musankwa!”

Jelemiya 2:37

Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Malilo 4:4

Mukwiinga wa nyotwa milaka ya bakateta babo yacatilila kwiculu lya milomo yabo. Baana balasenga shinkwa, sombi taaku nabi womwi ubapaawo.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Sekaliya 14:17

Na bamumishobo imwi ikakake kuya mukulambila Mwaami, Mwaami Lesa Shinkusu shoonse, mfula teshi ikalokelewo mumyuunda yabo.

Amosi 4:7

Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!