Jelemiya 14:19 - Baibo Busansulushi Bwa Libuku Ili

¹⁹ NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Jelemiya 14:19 Referans Kwoze

Malilo 5:22

NoBaami baLesa, sa mwatukaka kwamuyayaya? Sa bukali bwanu buyoosha teshi bukamaane?

Jelemiya 8:15

Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa shiloondesha.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Jelemiya 6:30

Bantu aba baleetwa ayi, ‘Silifa ikakitwe’ ceebo Mwaami Lesa wabakaka.”

Jelemiya 30:13

Taakuuwo nabi womwi wakumukombelelako, taaku musamu ukonsha kushilika shilonda shanu alimwi teshi mukoosheewo.

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Jelemiya 12:8

Bantu mbondakasala bambukilabo anga ninkalamu muluundu. Bambulumina, paceebo ceeco ndibapatite.

Kulumbaisha 78:59

Ono Lesa ndyaakabona shintu ishi shoonse wakakalala abuumbi. Lyalo wakakaka mushobo wa bene Isilaeli cakumaninina.

Jobo 30:26

Ndakalinga kulangila shibotu, sombi kwakalinga kwisa bubi. Ndakalinga kulangoola mumuni, sombi kwakalinga kwisa munshinshe.

Malilo 4:17

Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.

Malilo 2:13

Anu ŋambe ayinshi pali ndiwe? Anu nkweelanyewo anshi webo ondabala inene ya Jelusalemu? Ino nkucite buyani kwaamba ayi nkuumbulushe, webo ondabala ya Siyoni? Cilonda cako ncinene bweenka mbuli lweenge. Ino ngani weenga wacishilika?

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 8:22

Sa taamu musamu wakushilikisha muGilyadi? Sa taaku shikushilika kulya? Ino ceebonshi shilonda sha bantu bangu tashitooshilikwa?

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Kulumbaisha 89:38

Ono mwaami Defedi mwamukaka akumufutatila. Ee, usalitwe wanu uyo ngomwakananika mwafutatikila moyo.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Mika 1:12

Bekala muMaloti batoosalooka mumapensho pakulindila lucafwo ceebo Mwaami Lesa waleta mapensho ayo ashika akumwinjililo wa Jelusalemu.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Jelemiya 30:12

Mwaami Lesa waamba ayi, “Shiloonda shanu tashicite mashilikilo. Ncakwiila shimeenga shanu tashikoonshi koosha.

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.