Jelemiya 14:17 - Baibo Busansulushi Bwa Libuku Ili

¹⁷ Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 14:17 Referans Kwoze

Jelemiya 8:21

Ono bene misheesu mbobapwayoolwa, anebo ndapwayoolwa. Ndalila alimwi boowa bwancata.

Malilo 2:13

Anu ŋambe ayinshi pali ndiwe? Anu nkweelanyewo anshi webo ondabala inene ya Jelusalemu? Ino nkucite buyani kwaamba ayi nkuumbulushe, webo ondabala ya Siyoni? Cilonda cako ncinene bweenka mbuli lweenge. Ino ngani weenga wacishilika?

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Mika 6:13

Aboobo ndatalika kumunyonyoola, ee, kumulobya ceebo ca shibiibi shanu.

Malilo 2:18

Myoyo ya bantu yakalilila Mwaami Lesa. Webo olubumbu lwa Siyoni, minsonshi yako aikunke anga nkalonga kakunka malumwi amashiku. Utookeshi, ee, utacileeki kulila akuungumana.

Jelemiya 10:19

Bene Jelusalemu bakumbula ayi, “Mapensho kuli ndiswe ceebo ca shilonda shesu. Ncakwiila ceebo ca shilonda shesu shitatoomanaawo. Twakalinga kuyeeya ayi inga twakonsha kuliyuminisha.

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Kulumbaisha 39:10

Amukushe lyaansa lyanu lya bukali pali ndime! Ntooyanda kufwa kushuumo shanu.

Amosi 5:2

“Cishi ca Isilaeli cawa. Teshi cikabukeewo alimwi. Ncakwiila cacaalabo cisuukila, kwakubula aucibusha, sobwe.”

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

2 Baami 19:21

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Jelemiya 9:18

Bantu baamba ayi, “Bafwambaane kwisa, bese batulilile kushikila meenso esu asulebo minsonshi, ee, kushikila maanshi akunke kuswa mushikoye shesu.”

Jelemiya 18:13

Paceebo ceeco Mwaami Lesa waamba ayi, “Amwiipusheepushe pakati ka mishobo imwi yoonse na kuli wakanyumfwaawo kale camushobo uyo? Bene Isilaeli bakacita cintu cibiibi abuumbi.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.