Jelemiya 11:20 - Baibo Busansulushi Bwa Libuku Ili

²⁰ Lyalo ndakapaila ayi, “NoBaami baLesa beShinkusu shoonse, mwebo nomoombolosha cabululami akweelesha myoyo amiyeeyo ya bantu. Cikani cangu ndacitula mumaansaanu. Ono ntooyanda kumubona kamuboosha cishole pabantu aba.”

Jelemiya 11:20 Referans Kwoze

Jelemiya 20:12

NoBaami baLesa beShinkusu shoonse, mwebo nomweelesha kululama kwa muntu akucenceenta mumoyo amumiyeeyo, aambone kamubooshesha cishole pali mbabo ceebo mulandu wangu ndoobika mumaansaanu.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Kulumbaisha 7:9

NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 15:15

Lyalo ndakaamba ayi, “NoBaami baLesa mwebo mulanyumfwishisha shintu. Kamunjibaluka akundama. Amumbooshesheeko cishole kubaabo bampensha. Mwebo tamukalali bwaangu, ono mutabaleeki ayi bancaaye. Amuyeeye mbooncobolwa ceebo ca ndimwe.

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 35:2

Amupakate liyawo liniini alinene. Amunyamuke ono muncaafwe!

Jobo 5:8

“Kaandi ndime, nendasandukila kuli Lesa alimwi akumwaambila cikani cangu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Samwelo 24:15

Ncakwiila Mwaami Lesa aatoomboloshe nguwe kubona ulubite pakati kesu. Aalangelange cikani cangu akutondesha ayi ndiluleme mukumfuna kuswa mumaansaanu.”

Kulumbaisha 7:8

Mwebo muloombolosha mishobo yoonse, Amuŋomboloshe kweelana akululama kwangu noBaami baLesa, ee, kweelana akubula kampenda kwangu mwebo noMwiindaawo.

Kulumbaisha 58:10

Baluleme balaakusangalala na bakabone bamucita shibi kababooshelwa cishole. Balaakukondwa kukubula mubulowa bwa bamucita shibi amyeendo yabo.

Kulumbaisha 139:23

NobaLesa, amunangenange kwaamba ayi mwishibe moyo wangu. Amunsuunke kwaamba ayi mwishibe miyeeyo yangu.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Esekelo 11:5

Mpomunyaawo Mushimu wa Mwaami Lesa wakanselukila akuntuma kulwiita bantu maswi akwaamba ayi, “Mwaami Lesa waamba ayi ‘Nobene Isilaeli mwebo ndishishi nshemutokwaamba alimwi amiyeeyo yanu yoonse ndiibwene.

2 Baami 19:14

Mwaami Esekiya wakabwesa nkalata kubeshinkombe akwiibelenga. Lyalo wakaya kuŊada yakwe Lesa, weebika pameenso a Mwaami Lesa

Kulumbaisha 7:10

Lesa Wiindaawo ndyeliyawo lyangu uyo upulusha baabo bamunyumfwila.

Malilo 3:58

NoBaami baLesa mwakanjimikanina mumulandu wangu. Ndushinisho mwakalubula buumi bwangu.

Malilo 3:59

Mwebo mulibwene mbobatoombishisha, anu amumfuneeko mumulandu wangu uyu.

Malilo 3:64

NoBaami baLesa, amubaboosheshe cishole kweelana ambobeelete, ncakwiila kweelana anshebakacita.