Jelemiya 10:10 - Baibo Busansulushi Bwa Libuku Ili

¹⁰ Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 10:10 Referans Kwoze

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Kulumbaisha 42:2

Moyo wangu utoolila Lesa, ncakwiila Lesa uyo muumi. Anu nebo inga ndaya lili mukulambila pameenso akwe Lesa?

Kulumbaisha 100:5

Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Kulumbaisha 31:5

Nebo ndabika buumi bwangu mumaansaanu, amumfuune noBaami baLesa, baLesa bashomeka.

Kulumbaisha 10:16

Ono Mwaami Lesa, nguMwaami lyoonse alyoonse. Abo balambila balesa bamwi balaakuloba mucishi cakwe.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Kulumbaisha 114:7

Tenkaana webo ocishi ca panshi kunembo lya Mwaami Lesa. Ee, tenkaana kunembo lyakwe Lesa wakwe Jakobo.

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Kulumbaisha 97:4

Kubeka kwa mfula kulamunikila cishi ca panshi, abalo bamucishi ca panshi balakubona akututuma.

Kulumbaisha 93:2

NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Kulumbaisha 84:2

Moyo wangu ulisuni kushikaamo umo! Ntooyandishisha kwinjila muŊanda ya Mwaami Lesa. Ntoomwiimbila cakusangalala abuumi bwangu boonse, kwiimbila ndimwe nobaLesa boomi.

Kulumbaisha 77:18

Cilulumo canu cakanyumfwika mukapupuulwa, akubeka kwa mfula kwakatubya cishi coonse. Cishi cakatutuma akutenkaana kucitentanshi.

Jobo 9:6

Lesa ulatenkaanya cishi ca panshi cino alimwi ulalengesha macinko a ncico kutenkaana.

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

1 Baami 18:39

Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

Boomboloshi 5:4

“NoBaami baLesa, ndimwakaswa kuSiya, ncakwiila ndimwakaswa kucishi ca Edomu, cishi cakatenkaana, mfula yakaloka, Ee maanshi akaswa mumakumbi.

Dutolonomi 5:26

Sa kuliiwo muntu wakacaala kaali muumi na wamana kunyumfwa Lesa muumi kaamba kuli nguwe mumulilo?

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Danyelo 6:26

“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 4:3

Shitondesho sha nkusu sha kwiculu shakwe shilayoosha abuumbi. Shaankamiko isho nshaacita nshankusu shiindaawo. Bweene bwakwe, mbweene bwamuyayaya. Bulelo bwakwe bulaakunoolikobo kwalyoonse alyoonse.

Jelemiya 23:36

Nkokwaamba ayi tamweelete kwaamba maswi akwaamba ayi, ‘Mukuli wa Mwaami Lesa’ ceebo na umwi wacita boobo, ndaakulengesha maswi angu kuba mukuli kuli nguwe. Bantu bakasandula maswi angu neLesa wabo, neLesa muumi, neMwaami Lesa Shinkusu shoonse.

Isaya 37:17

Ono noBaami baLesa boomi, amutukutike akubona shintu shoonse shitoocitika kuli ndiswe. Amukutike shintu shoonse Senakelibu nshaatokwaamba mukumucobola mwebo nobaLesa boomi.

Isaya 37:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

Kulumbaisha 68:11

Mwaami Lesa wakapa mulawo. Ono mbaanji bakatola cikani cakwaamba ayi,

Matalikilo 21:33

Lyalo Abulaamu wakashanga mubanga muBiyasheba akulambila Mwaami Lesa wamuyayaya.

1 Baami 8:60

Paceebo ceeco mishobo yoonse ya mucishi ca panshi ilaakwishiba ayi Mwaami Lesa eenkabo ngoLesa, taaku aumwi.

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Kulumbaisha 68:8

cishi ca panshi cakatenkaana aliculu lyakalosha mfula kunembo lya Lesa wa kuSinayi, Lesa wa bene Isilaeli.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Isaya 40:15

Kuli Lesa mishobo yoonse ilibo anga ngumundoondo wa maanshi mumungomo unene. Balabonwabo anga ntulusuko pacipimo. Ashalo nsumbu nshuububo anga ntulusuko.

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 4:24

Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Jelemiya 50:46

Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Jelemiya 51:29

Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.

Joshuwa 3:10

Ono ndyeshi mwishibe ayi Lesa muumi uli amwebo, alimwi ayi ncakwiila utootanda bene Kenani, bene Iti, bene Ifi, bene Pelisi, bene Gegashi, bene Amoli alimwi abene Jebusi kunembo lyanu.

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Kulumbaisha 9:8

Ulalela cishi ca panshi cabululami akoombolosha mishobo yoonse bweelete.

Kulumbaisha 74:12

NobaLesa, muli baami besu kuswa kalekale, ndimwe mupulusha bantu pacishi ca panshi coonse.

Kulumbaisha 76:8

Mwakaambilisha boomboloshi bwanu kuswa kwiculu. Bamucishi ca panshi bakaloonda akuumunabo tontolo

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.