Isaya 9:2 - Baibo Busansulushi Bwa Libuku Ili

² Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Isaya 9:2 Referans Kwoze

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Kulumbaisha 107:10

Bamwi bakalinga kwikala mumunshinshe ushiya mbi. Abo mbakaili bakalinga kupenga kabaangitwe ncetani

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Kulumbaisha 107:14

Wakabakusha mumunshinshe ushiya mbi. Ee, wakasutoola ncetani shabo.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Isaya 9:1

Nakubi boobo teshi kukabe munshinshe alimwi kuli baabo bakalinga kupenshekwa. Kalekale Lesa wakabombya cishi ca bene Sebuluni aca bene Nafutali, sombi muciindi citoosa balaakupa bulemu kucishi ca Galili uko kwikala baswamashi bakunsengwe. Nkokwaamba ayi cishi ciswa kuLweenge lwa Mediteleniyani kushika kucishi cili kwitala lya kwicwe lya Mulonga wa Joodani.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Jobo 10:21

Nsangalaleewo kaantana kuya kutaboolwa, ee, kumusena uko kutaaku mumuni nooceyi.

Boomboloshi 5:30

‘Sa tabatokwaabana shintu nshibasaala? Sa te shilumamba womwi awomwi utoobwesa mwanakashi womwi nabi bobilo? Ee batoosalweeta Sisela shakufwala shibotu. Batoosaloola shakufwala shibotu shakaboteshekwa, shakufwala shibotu shakaboteshekwa sha munshingo yangu.’

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.