Isaya 8:7 - Baibo Busansulushi Bwa Libuku Ili

⁷ nebo neLesa ntooleta mwaami wa bene Asilya abashilumamba bakwe ayi balwane cishi ca Juda. Bantu abo balaakunoosa anga ngamaanshi asefuka muMulonga wa Yufuletisi.

Isaya 8:7 Referans Kwoze

Amosi 9:5

Mwaami Lesa, Lesa Shinkusu shoonse, na wakumya cishi, ncakwiila cilatenkaana alimwi boonse bekalaamo baloongumana. Cishi coonse cilaakuyalookabo anga ngamaanshi a muMulonga wa Nailo akuboola panshi anga ngamaanshi a mumulonga wine Ijipiti.

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.

Isaya 7:20

“Munshiku isho Mwaami Lesa ulaakutamba shikucesa kuswa kwitala lya Mulonga wa Yufuletisi. Ee, ulaakutamba mwaami wa bene Asilya ayi ese acese misusu yanu, booya bwanu bwa pamubili akumukulula ndesu.

Isaya 7:17

Ono pali ndiwe, bantu bako apabamulunyungu lwa baiso, Mwaami Lesa ulaakuleta ciindi ca mapensho ico citana kubonekaawo kuswabo kuciindi bene Isilaeli ndibakapatukana abene Juda. Ncakwiila ulaakuleta mwaami wa bene Asilya.

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Kulumbaisha 72:8

Cishi cakwe acikaswe kulweenge lomwi tibili akulweenge lumwi. Acikaswe kuMulonga wa Yufuletisi tibili akupilila lisuba!

Luka 6:48

Uli anga ngumuntu wakakaba lwiimbi lulaamfu lwakashika palibwe, akuyakaawo ŋanda. Mulonga ndiwakesula, maanshi akatalika kuuma kuŋanda iyo. Sombi taikwe kuwa mukwiinga wakeeyaka kabotu.

Esila 4:10

pantu pomwi abantu bamwi abo Ashubanipali wakalinga kulemekwa alimwi shinkusu mbwaakakusha mumaandaabo akubatola mumandabala a Samaliya amumisena imwi yakalinga mucishi cakwitala lya Mulonga wa Yufuletisi.

2 Baami 19:32

“Aboobo pamwaami wa bene Asilya, Mwaami Lesa waamba ayi, ‘Teshi akenjilewo mundabala inene ino, nabi kuwaala mufwi muno nabi womwi. Teshi akese aliyawo kundabala inene ino nabi kushingulusha mukuti wakutantilaawo kulubumbu.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

Isaya 28:2

Amubone Mwaami Lesa ulicite muntu shinkusu muyumu. Ulaakwisa anga nimfula ya mabwe alimwi ya muuwo unyonyoola. Ulaakwisa anga ngamaanshi asefuka akukokolola shoonse. Muntu uyo ulaakushindikila bene Efuleemu panshi cankusu.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 51:42

Lweenge lulaakupisha Babiloni akumufwekelesha kumaaba a ndulo awoota.

Esekelo 26:19

“Nebo neMwaami Lesa Shinkusu shoonse ndaamba ayi, ‘Ndaakukulengesha kuba matongo mulya mutekaliiwo muntu nabi womwi bushiku ndyeshi nkakufwekeleshe amaanshi a mulweenge lunene.

Mika 1:9

Cilonda ca ndabala inene ya Samaliya tacishilikiki. Ono cishi ca Juda citooyanda kuba acilonda ca mushobo womwi. Ncakwiila cashika apamwinjililo wa bantu bangu, ee, cashika akundabala inene ya Jelusalemu iine.”

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.