Isaya 8:19 - Baibo Busansulushi Bwa Libuku Ili

¹⁹ Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Isaya 8:19 Referans Kwoze

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Bene Lefi 20:6

“Ono na umwi muntu waya mukucebusha kubantu baamba amishimu ya bafu, ndaakumufutatila, akucileka kumuyeeyela kuba muntu wangu.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulumbaisha 106:28

Lyalo bantu abo bakalambila Baala, lesa wa kuPeyoli, akulya milambu yakabengwa kubalesa batayooyi.

Bene Lefi 19:31

“Tamweelete kuya mukucebusha kubantu baamba amishimu ya bafu. Na mwacita boobo, teshi mukanoosalalite kweelana aMilawo. Nebo ndime Mwaami Lesa, Lesa wanu.

Isaya 29:4

Lyalo ulaakunokwaambila panshi, liswi lyako lilaakunooswa mubulongo. Ulaakunoobulubushabo anga ncipuku, ncakwiila liswi lilaakunoonyumfwika anga utootepetabo mubulongo.

Isaya 19:3

Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.

1 Samwelo 28:8

Kuswawaawo Saulo wakalilubyalubya mukufwala shakufwala shiimbi. Lyalo ingayi pashiye wakanyamuka abacinenenene bakwe bobilo kuya kumwanakashi uyo. Mpeeke wamwaambila ayi, “Njipushileeko kumishimu bunene bunene wooyo ngweshi ŋambe liina.”

Dutolonomi 18:11

muloshi, nabi uyo waamba amishimu munshila ili yoonse.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 1:3

Sombi munjelo wa Mwaami Lesa wakaambila Elija mulaluki mwine Tishibe ayi, “Koya ukakumane abeshinkombe abo mwaami Aasiya mbwaakatuma akubeepusha ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’

2 Baami 23:24

Mwaami Josiya wakakusha beshikwaamba abafu abeshikulotela pantu pomwi abalesa bamumaanda, shibumbwabumbwa ashimwi shoonse shakalinga kulambilwa isho shilensha bunya mucishi ca Juda amundabala ya Jelusalemu. Wakacita boobo mukukonkela milawo yakalinga kulembetwe mulibuku ilyo Ilikiya mupailishi munene ndyaakacana muŊanda yakwe Lesa.

1 Samwelo 28:16

Samwelo wakaamba ayi, “Ino utoonjipushishanshi oobwene ayi Mwaami Lesa taabete awebo alimwi waba mulwani wako?

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

1 Samwelo 28:11

Mpomunyaawo mwanakashi wakeepusha ayi, “Ino ngani ngomusuni ayi mwiitile?” Saulo wakakumbula ayi, “Njitile Samwelo.”

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Milimo ya Batumwi 16:16

Bushiku bumwi nditwakalinga kuya kumusena wakupaililaako, twakacana mwanakashi musha, wakalinga kucite shikaswa uyo wakalinga kumupa nkusu shakulaluka. Kwiinda mukulaluka kwakwe, wakacanina baami bakwe maali aanji.

Matalikilo 41:24

Ono anyanite amina akomete. Beshimampelampela ndabalwiita, sombi taaku wakonsha kumpandulwita.”

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 47:12

“Ndwaako, kosunga shisoko abwaanga bwako, kayi wakalinga kushisebensesha kuswabo kubwanike. Cimwi ciindi shilaakukucafwa munshila imwi. Mpashi ulaakukonsha kuyoosha balwani bako.

Isaya 47:13

Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Mika 5:12

Ndaakunyonyoola buloshi bwanu alimwi taaku weshi akalowe tubili.

Dutolonomi 18:10

Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,

1 Samwelo 28:7

Mpomunyaawo Saulo wakaambila bacinenenene bakwe ayi, “Amunyandweeteko mwanakashi waamba amishimu kwaamba ayi njeeko mukusonda.” Mpeeke bacinenenene bakwe abo bakakumbula ayi, “Nkwaali kundabala ya Endo.”