Isaya 8:14 - Baibo Busansulushi Bwa Libuku Ili

¹⁴ Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Isaya 8:14 Referans Kwoze

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Esekelo 11:16

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Nakubi kwaamba ayi ndakamutandila pakati ka mishobo imwi kulaale akumupalanganishisha mushishi shimwi, kwaciindi ciniini ndalinga kumufunaako mushishi umo momwakaya.’

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Kulumbaisha 69:22

Amulengeshe kusekelela kwabo kubaletela kunyonyooka. Kusekelela kwabo akube koose kuli mbabo.

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Mateyo 13:57

Aboobo bakamusuula. Sombi Jesu wakabaambila ayi, “Mulaluki ulalemekwa kuli koonse kukushakobo kumishaabo, akuŋanda yakwe mwiine.”

Isaya 26:20

Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.

Bene Loma 11:35

Anu ngani weenga wapa Lesa cintu kwaamba ayi alakwe akamuboshesheewo cimwi?”

Luka 21:35

Bushiku ubo bulaakwisa bweenka mbuli koose akucata bantu boonse ba mucishi ca panshi.

Isaya 4:6

Malumwi bulemu bwakwe ubo bulaakuba cimfule cakuyubamo lumwi alimwi mulaakuba momwakuyunsa mfula acipuupu cinene.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Kulumbaisha 140:5

Balinteyete koose bantu balisumpula. Bafungulula ntambo sha toombe twabo akuteya toose twabo mweela nshila yangu.

Isaya 7:16

Sombi ico kacitana kushikila, shishi sha bamaami bobilo aba mbootooloonda shilaakucaalabo mumatongo.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Jelemiya 6:21

Paceebo ceeco Mwaami Lesa utookwaamba ayi, “Ndakubika shakulisuntulako kunembo lya bantu aba. Bamashali basankwa abana babo balaakuwa, abalo beshimukobonyinaabo ababyaabo balaakumana kuloba.”

Esekelo 3:20

“Ono na muntu ululeme waswa mubululami bwakwe akutalika kucita shintu shibiibi, lyalo anebo ndamuletela mfumpu, ncakwiila ulaakufwa. Muntu uyo ulaakufwa ceebo ca shibiibi shakwe mukwiinga webo tookwe kumucenjesha. Shiluleme nshaakacita teshi shikayeeyekweewo tubili, Sombi awebo ulaakupekwa mulandu pabulowa bakwe.

Joshuwa 10:7

Paceebo ceeci Joshuwa wakanyamuka kuswa kuGilugala abashilumamba bakwe boonse, kutashiyaawo baabo bacishi kabotu kulwana.