Isaya 7:15 - Baibo Busansulushi Bwa Libuku Ili

¹⁵ Mukukomena kwakwe ulaakunoolyabo mandili abuuci kushikila akukula akusala cibotu acibiibi palwaakwe.

Isaya 7:15 Referans Kwoze

Isaya 7:22

Ulaakunookama mukupa uunji cakubulabo balya. Ee, abo beshi bakacaale mucishi balaakunoolyabo mandili abuuci.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Luka 2:52

Jesu wakakula muciimo amubusongo alimwi wakaba mwaana ukondelesha Lesa abantu boonse.

Luka 2:40

Lyalo mwaana wakakomena akuba ankusu alimwi wakaba musongo abuumbi. Aboobo coolwe cakwe Lesa cakalinga pali nguwe.

Matalikilo 18:8

Abulaamu wakabwesa bwaanda, mukupa, anyama ilya ya moombe akubambila beensu abo. Ciindi ndibakalinga kulya alakwe wakalinga pafwaafwi mucisamu mweenka umo.

Dutolonomi 1:39

“Lyalo Mwaami Lesa wakaambila swebo soonse ayi, ‘Bana banu abo bacili baniini abuumbi batana kwishiba bubi abubotu, balaakwinjila mucishi ico. Aba mbobaana mwebo mbomwakaamba ayi balaakucatwa kubalwani banu. Ndaakubapa cishi alimwi cilaakuba cabo.