Isaya 64:6 - Baibo Busansulushi Bwa Libuku Ili

⁶ Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Isaya 64:6 Referans Kwoze

Bene Loma 7:18

Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Bene Loma 7:24

Maawe akomena mapensho! Anu ngani eshi akamfuneeko kubuumi ubu butoontola kulufu?

Sekaliya 3:3

Ono Joshuwa wakalinga kufwete shakufwala shishipite ndyaakalinga kwiimfwi kunembo lya munjelo uyo.

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Isaya 46:12

“Ono amukutike nshentokwaamba mwebo nobantu beshicimpamya. Amukutike mwebo nomuyeeya ayi teshi mukapulushikwe onoono.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Ciyubululo 7:13

Mpomunyaawo umwi muloba wakanjipusha ayi, “Ino aba bantu bafwete shisani shituba mbaani alimwi ankobaswita nkuli?”

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Osiya 4:19

Balaakubwesekwa anga ncintu catolwa akapupuulwa, milambu yabo njebabenga kubalesa bamwi ilaakubalengesha kusebaana.

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Kulumbaisha 1:4

Sombi kubeshikubisha tabwishi mbocibete ubo! Mukwiinga balo bali anga mbuungu ubo buyabo amuuwo.

Jobo 40:4

“Nebo ndi muntubo, taakuuwo mboombete. Anu inga ndamukumbula ayinshi? Taakuuwo nceeshi ŋambewo nabi comwi.

Isaya 1:30

Ulaakuyuma anga ngumubanga utooya cifwa nabi anga ngumuunda utatililwa.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Bene Lefi 13:12

Ono na manata anene akukumanabo muntu uyo kuswa kumutwi kushikila akumyeendo,

2 Samwelo 22:46

Ncakwiila boonse balaloonda, balaswa mobayuba kabatutumabo.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Isaya 43:22

Ono Mwaami Lesa waamba ayi, “Nakubi boobo tamukwe kundililaawo mwebo nobamulunyungu lwakwe Jakobo. Ncakwiila nobene Isilaeli tamukwe kulisukamaawo sha pali ndime.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.

Osiya 7:7

“Balacaya baleli babo mubukali bwabo. Bamaami balacaikwa womwi awomwi, sombi taaku nabi womwi usenga lucafwo kuli ndime.”