Isaya 61:4 - Baibo Busansulushi Bwa Libuku Ili

⁴ Balaakuyakulula shakanyonyoolwabo kale kale, ee, kuyakulula misena iyo yalinga mumatongo kwaciindi cilaamfu. Balaakuyakulula mandabala ayo akalinga kupwayookite alimwi alinga kucaalite cisuukila kwamashalane maanji.

Isaya 61:4 Referans Kwoze

Isaya 58:12

Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”

Kulumbaisha 46:8

Kamwisa mubone Mwaami Lesa nshaakacita, ee, mubone shintu shikankamika nshaakacita pacishi ca panshi.

Kulumbaisha 74:3

Amwise mubone matongo aya. Balwani besu banyonyoola Ŋanda yanu. Ncakwiila shoonsebo muŊanda yanu.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Esila 9:9

Twakalinga basha sombi tamukwe kutulekelaamo. Mwakalengesha bamaami bene Pesha kutusuna, kutusuminisha kwikala akuyaka alimwi Ŋanda yanu nobaLesa iyo yakalinga yaba matongo. Mwakasuminisha ayi tuboole akwikala muluumuno muJuda alimwi aJelusalemu.

Mika 7:11

Nobene Jelusalemu, bushiku bwakuyakulula lubumbu lwa ndabala yanu inene bulaakwisa. Ncakwiila bushiku bwakukomenesha manyinsa a cishi canu bulaakwisa.