Isaya 57:16 - Baibo Busansulushi Bwa Libuku Ili

¹⁶ Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Isaya 57:16 Referans Kwoze

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Kulumbaisha 85:5

Sa munanookalalitebo kwalyoonse alyoonse? Sa bukali bwanu bunanooyabo tibili akumashalane?

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

Jelemiya 10:24

NoBaami baLesa, amundulike, mubululami bwanu, kuteshi mubukali bwanu ceebo inga mwanyonyoola cakumaninina.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Jelemiya 38:16

Paceebo ceeco Sedekiya wakanshomesha cakulumbila mubushishi ayi, “Bweenka mbocibete lushinisho ayi Mwaami Lesa ngumuumi uyo wakatupa buumi ubo mbotucite, mbweeke ubo teshi nkakucayeewo nabi kukwaaba mumaansa a baabo batoofwima buumi bwako.”

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Matalikilo 6:3

Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Jelemiya 3:5

Sa munanookalalitebo lyoonse? Sa bukali bwanu teshi bukamaneewo?’ Mbomutookwaamba ubo mwebo, sombi namwaambi boobo, mucitolelela kubisha.”

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Jobo 12:10

Buumi bwa shilengwa shoonse buli mumaansaakwe. Ncakwiila abwalo buumi bwa bantu boonse ngoobucite.

Isaya 27:8

Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.