Isaya 55:1 - Baibo Busansulushi Bwa Libuku Ili

¹ Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Isaya 55:1 Referans Kwoze

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Kulumbaisha 143:6

Ndatambika maansaangu kuli ndimwe mukupaila. Moyo wangu ulinyumfwite nyotwa bweenka mbuli bulongo buyumu mbobulila maanshi.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Mateyo 13:44

“Bweene bwa kwiculu bulikoshenye abuboni bwakalinga kushisitwe mumuunda, ubo muntu mbwaakeetukila akubushisa pambi. Ono mukusangalala wakaya mukuulisha shintu shoonse nshaakalinga kucite, akuula muunda uyo.

Mateyo 10:8

Mukashilike balwashi, mukabushe bafu, akushilika bashimanata, alimwi akukusha bashikaswa. Mwapekwabo, amwebo mukapebo.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Isaya 52:3

Mwaami Lesa Shinkusu shoonse waamba ayi, “Taaku mweelo wa maali wakalipilwa ndyemwakatolwa busha. Paceebo ceeco apakwaangululwa taaku mweelo wa maali weshi ukalipilwe.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

Bene Loma 3:24

Sombi Lesa kwiinda muluse lwakwe lwabupebo, ulalulamika bantu kwiinda muli Jesu Klistu uyo wakabaangulula.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Tushimpi 8:4

“Ntokwiita ndimwe nobantu. Ntokoloobeshesha muntu uli woonse.

Mateyo 26:29

Ntoomulwiita ayi, teshi nkanwewo lyobilo maanshi a shisepo sha minyansa, kushikila pabushiku ubo ndyeshi nkanwe anu maanshi apya a shisepo ishi, muBweene bwa baTa.”

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

1 Bene Kolinto 3:2

Ndakamupa mukupa kuteshi shakulya shiyumu ceebo kamutana kushikaawo. Alimwi abobulya tamweelete shakulya shiyumu.

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.

Sekaliya 2:6

Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.

Lute 4:1

Mpeeke Bowasi wakaya kumwinjililo wa ndabala akwikala uko. Lyalo shikamukowa wakwe Elimeleki uyo Bowasi ngwaakalinga waambaawo wakesa pafwaafwi. Mpomunyaawo Bowasi wakamwiita ayi, “Shikookuno mwana, kala panshi.” Alakwe wakaya wekala.

Lwiimbo lwakwe Solomoni 1:2

Milomo yako aimfyoonte, lusuno lwako luleenda waini kubota.

Malilo 5:4

Maanshi akunwa tuloola akuula. Ashalo nkuni kushibona nkuula.

Mateyo 5:6

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Milimo ya Batumwi 8:20

Sombi Pita wakamukumbula ayi, “Webo fwitabo pantu pomwi amaali ako mukwiinga utooyeeya ayi inga woola cipo cakwe Lesa amaali!

Tushimpi 9:5

“Kamwisa mulye shakulya shangu akunwa waini uyo ngondakasenkanya.

Esekelo 47:1

Mpeeke muntu uyo wakantola kumwinjililo wa Ŋanda yakwe Lesa. Lyalo ndakabona maanshi kaaswa mumwinjililo akunookunkila kwicwe uko kwakalinga kulangite Ŋanda yakwe Lesa. Maanshi aya akalinga kuswa panshi kulubasu lya kumalenge lya Ŋanda yakwe Lesa akuya mukwiinda kumalenge lya cipaililo.

Esekelo 47:9

Koonse uko mulonga uyo nkweenga wakunkila, kulaakuba mishobo amishobo ya banyama alimwi answi. Mulonga uyo ulaakubotesha maanshi amuLweenge lwa Mwiinyo alimwi uko koonse nkweenga wakunkila ulaakulengesha ayi kukabe buumi.

Tushimpi 9:1

Busongo bwakayaka ŋanda ya mbubo akubesa macinko a njiyo ali osanwe aobilo.

Isaya 1:19

Na kamulibambite kunyumfwila, mulaakulya shintu shibotu sha mucishi cino.