Isaya 51:13 - Baibo Busansulushi Bwa Libuku Ili

¹³ cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Isaya 51:13 Referans Kwoze

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Isaya 48:13

Lwiimbi lwa cishi ca panshi ndakalupanga amaansaangu. Ndime ndakafungulula liculu kwaamba ayi likwane koonse. Na liculu nabi cishi ca panshi ndashiita shilesa mpomunyaawo kunembo lyangu.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Jobo 9:8

Lakwe eenka ngowakafungulula liculu alimwi ngookonsha kulyatoola maaba a palweenge.

Ciyubululo 20:9

Mpomunyaawo bakeenda mucishi coonse ca panshi akushinguluka musena wakalingaawo bashomi alimwi andabala inene iyo Lesa njaasuni. Sombi mulilo wakaloka kuswa kwiculu akubanyonyoola boonse.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Bene Ebulu 11:15

Tebakalinga kuyeeya cishi ncebakashiya. Nebakalinga kuyeeyaako, naakwiinga bakacana ciindi cakuboolela.

1 Bene Kolinto 15:55

“Kukoma kwako olufu kuli kuli? Lubola lwako olufu luli kuli?”

1 Bene Kolinto 1:20

Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Jelemiya 51:15

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Isaya 16:4

Amutusuminishe kwikalaanu swebo sotwacicila kokuno. Amube ciyubilo cesu kuswa kubaabo batooyanda kutunyonyoola.” Shikulyatilila bantu bulaakumweela alimwi kunyonyooka kulaakumana. Ncakwiila shikupensha teshi akabonekeewo tubili mucishi cino.

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Jobo 37:18

ono sa inga wacikonsha kucafwa Lesa kuyala liculu cakwaamba ayi lyayuma nta mbuli cilola ca bulonse wakateshimishikwa?

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Esita 5:14

Lyalo mukaakwe Seleshi ababye boonse bakamwaambila ayi, “Ceebonshi tamutooshimpikabo shisamu shakwaangililawo bantu shilaampa mamita ali 22? Lyalo ciilo macuunsa mukaambile Baami kwaamba ayi Modekayi acailweewo. Kuswawaawo mukaye kamusangalete abaami kukusekelela.” Makani aya akakonda Amani, aboobo wakacita bweenka ubo.

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Dutolonomi 6:12

mukacenjele kwaamba ayi mutakalubi Mwaami Lesa uyo wakamufuna mucishi ca Ijipiti, umo mumwakalinga basha.

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Isaya 10:24

Ono Mwaami Lesa, ee, Mwaami Lesa Shinkusu shoonse waamba ayi, “Nobantu bangu nomwikala muSiyoni, mutaloondi bene Asilya abo bamuumisha ankooli. Mutabaloondi nabi balamuumisha mpimfwa bweenka bwakalinga kucita bene Ijipiti.

Isaya 14:4

Pabushiku aakucita boobo, bantu bakwe abakaweluluke mwaami wa Babiloni ayi, “Mwaami shilunkutwe walinga kwaalya sunu waaluba. Teshi akalyatililewo tubili muntu nabi womwi!

Isaya 40:21

Sa tamwishi? Sa tamukwe kunyumfwaawo? Sa tamukwe kushimikilwaawo kuswa kumatalikilo? Ee, sa tamukwe kunyumfwaawo kuswabo cishi ndicakalengwa?

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Jelemiya 38:19

Mpeeke mwaami Sedekiya wakaŋambila ayi, “Nebo ntooloonda baJuda abo bakaya mukuba kulubasu lwa bene Babiloni ceebo bene Babiloni inga baakungaba kuli mbabo abalo inga bampensha abuumbi.”

Jelemiya 41:18

kucica bene Babiloni. Bakalinga kubaloonda ceebo Ishimaeli mwanaakwe Netaniya wakacaya Gedaliya mwanaakwe Aikamu, uyo mwaami wa bene Babiloni ngwaakasala kuba mweendeleshi wa mucishi ca Juda.

Danyelo 3:18

Nabi wabula kucita boobo, nobaami mulyeelete kwishiba ayi teshi tukasebenselewo balesa banu nabi kulambila cibumbwabumbwa ca golodi ncemwakeemika.”

Kulumbaisha 106:13

Nakubi boobo bakafwambaana kuluba shoonse nshaakacita, akutalindila ayi abalwiite nshebeelete kucita.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Jelemiya 51:19

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.